Isaias 1:1 - Marahay na Bareta Biblia

¹ Nasa librong ini an bisyon na nahiling ni Isaias, na aking lalaki ni Amoz, dapit sa Juda asin sa Jerusalem kan panahon kan paghahade sa Juda ni Uzzias, ni Jotam, ni Ahaz asin ni Ezekias.

Isaias 1:1 ပူးပေါင်းရင်းမြစ်များ

2 Mga Hade 15:1

Kan ikabeynte y syeteng taon kan paghahade ni Jeroboam Ika Duwa nin Israel, nagin hade nin Juda si Uzzias na aking lalaki ni Amazias.

2 Mga Hade 15:13

Kan ikatreynta y nuebeng taon nin paghahade ni Uzzias sa Juda, nagin hade nin Israel si Sallum na aking lalaki ni Jabes; sarong bulan siyang naghade sa Samaria.

2 Mga Hade 15:32

Kan ikaduwang taon kan paghahade sa Israel ni Peka na aking lalaki ni Remalias, nagin hade nin Juda si Jotam na aking lalaki ni Uzzias.

2 Mga Hade 15:7

Nagadan si Uzzias asin ilinubong sa Syudad ni David, sa lulubngan kan mga hade. Si Jotam na saiyang aking lalaki iyo an nagsalihid saiya bilang hade.

2 Mga Hade 18:1

Kan ikatolong taon nin paghahade sa Israel ni Hosea na aking lalaki ni Ela, nagin hade nin Juda si Ezekias na aking lalaki ni Ahaz.

2 Mga Hade 19:2

Dangan sinugo niya ki Propeta Isaias na aking lalaki ni Amoz si Eliakim na namamahala kan palasyo, si Sebna na sekretaryo, asin an mga gurang na padi; gabos sinda nakasulot nin sako.

2 Mga Cronica 26:1

An aking lalaki ni Amazias na si Uzzias, na an edad dyes y seis na taon, iyo an pinili kan bilog na banwaan nin Juda na magin kasalihid kan saiyang ama bilang hade.

2 Mga Cronica 26:22

An iba pang ginibo ni Hadeng Uzzias isinurat kan propeta na si Isaias, na aking lalaki ni Amoz.

2 Mga Cronica 27:1

Beynte y singko an edad ni Jotam kan siya magin hade, asin dyes y seis na taon siyang naghade sa Jerusalem. An saiyang ina iyo si Jerusa na aki ni Zadok.

2 Mga Cronica 28:1

Beynteng taon an edad ni Ahaz kan siya magin hade, asin dyes y seis na taon siyang naghade sa Jerusalem. Dai niya inarog si David na saiyang ginikanan, kundi ginibo niya an bakong matanos sa atubang nin Kagurangnan

2 Mga Cronica 29:33

Nagdara man sinda nin mga dolot na kakakanon kan mga tawo: seis syentos na torong baka saka tres mil na mga karnero.

Salmo 89:19

Sa sarong bisyon kaidto, nagtaram ka sa saimong maimbod na mga sorogoon, “Tinabangan ko an sarong bantog na soldados; itinao ko an trono sa tawong pinili ko hale sa banwaan.

Isaias 13:1

Iyo ini an mensaheng hale sa Dios dapit sa Babilon, na inako ni Isaias na aking lalaki ni Amoz.

Isaias 2:1

Iyo ini an mensahe na itinao nin Dios ki Isaias na aking lalaki ni Amoz dapit sa Juda asin sa Jerusalem:

Isaias 20:2

Tolong taon na an nakalihis kan sabihan nin Kagurangnan si Isaias na aking lalaki ni Amoz, na hukason an saiyang sandalyas asin an sulot niyang sako. Nagkuyog siya asin naglakaw na huba saka mayo nin sandalyas.

Isaias 21:2

Nakahiling ako nin sarong bisyon nin mangirhat na mga pangyayari, sarong bisyon nin pagpasaluib asin pagkagaba. Magsalakay ka, hukbo nin Elam! Palibotan mo an mga syudad, hukbo nin Media! Oontokon na nin Dios an pagtios na dara kan Babilon.

Isaias 37:2

Dangan sinugo niya ki Propeta Isaias, na aking lalaki ni Amoz, si Eliakim na namamahala kan palasyo, si Sebna na sekretaryo, asin an mga gurang na padi; gabos sinda nakasulot nin sako.

Isaias 38:1

Kan panahon na idto, naghelang si Hadeng Ezekias asin haros magadan siya. Dinalaw siya kan propetang si Isaias na aking lalaki ni Amoz asin sinabihan, “Tinataraman ka nin Kagurangnan na husayon mo an gabos huli ta magagadan ka. Dai ka na mararahay.”

Isaias 40:9

Jerusalem, sumakat ka sa sarong halangkaw na bukid asin ipahayag mo an marahay na bareta! Magkurahaw ka sa makosog na tingog, Sion; ibalangibog mo an marahay na bareta! Magtaram ka asin dai ka matakot. Sabihi an mga banwa nin Juda, “Uya na an saindong Dios!”

Isaias 6:1

Kan taon na magadan si Hadeng Uzzias, nahiling ko an Kagurangnan. Nagtutukaw siya sa saiyang trono, halangkaw saka mamuraway, asin an bilog na Templo napapano kan saiyang gubing.

Isaias 7:1

Kan si Hadeng Ahaz, na aking lalaki ni Jotam asin makoapo ni Uzzias, iyo an naghahade sa Juda, nagtukad pasiring sa Jerusalem si Rezin na hade nin Siria, asin si Peka na aking lalaki ni Remalias na hade nin Israel, tanganing salakayon an syudad alagad dai ninda nakayang salakayon ini.

Jeremias 23:16

Nagtaram an Kagurangnan nin mga hukbo sa mga taga Jerusalem, “Dai nindo pagdangogon an mga sinasabi saindo kan mga propeta; nagtutukdo sinda saindo kan mga paglaom na mayo nin halaga. Nagtataram sinda nin mga bisyon na hale sa sadiri nindang kaisipan asin bakong hale sako.

Ezekiel 1:1

Sa ikalimang aldaw kan ikaapat na bulan kan ikatreyntang taon, kan ako, si Ezekiel na padi, na aking lalaki ni Buzi, nag-eerok duman sa may Salog nin Kebar sa Babilonia kaiba kan mga itinapok na Judio, nabuksan an kalangitan asin nahiling ko an sarong bisyon nin Dios. (

Oseas 1:1

Ini an mensahe na itinao nin Kagurangnan ki Oseas na aking lalaki ni Beeri kan panahon na si Uzzias, Jotam, Ahaz, saka si Ezekias iyo an nagin mga hade nin Juda, asin kan si Jeroboam na aking lalaki ni Jehoas iyo an hade nin Israel.

Amos 1:1

Iyo ini an mga tataramon ni Amos, an pastor hale sa banwa nin Tekoa. Duwang taon bago an paglinog, kan si Uzzias iyo pa an hade nin Juda asin si Jeroboam na aking lalaki ni Jehoas iyo man an hade nin Israel, ipinahayag nin Dios ki Amos an mga bagay na ini manongod sa Israel.

Amos 4:5

Lakaw kamo asin dolotan an saindong tinapay sa pagpasalamat sa Dios, dangan ipaghambog nindo an saindong mga boluntad na dolot! Iyo ini an gawe na boot nanggad nindong gibohon.

Mikas 1:1

Kan panahon na si Jotam, Ahaz, asin Ezekias iyo an mga hade nin Juda, tinawan nin Kagurangnan si Mikas, na taga Moreset, kan mensaheng ini. Ipinahayag nin Kagurangnan ki Mikas an gabos na bagay na ini dapit sa Samaria saka sa Jerusalem.

Nahum 1:1

Iyo ini an mensahe dapit sa Nineve, an istorya kan sarong bisyon na nahiling ni Nahum, na taga Elkos.

Habakkuk 2:2

Iyo ini an simbag sako nin Kagurangnan: “Isurat mo nin malinaw sa mga tabla an ipapahayag ko saimo, tanganing maski sa sarong hirilingan, mababasa iyan.

Mga Bilang 12:6

dangan nagtaram an Kagurangnan, “Dangoga nindo an sakong itataram! Kun may mga propeta saindo, minapahiling ako sainda sa mga bisyon, asin kinakaolay ko sinda sa mga pangatorogan.

Mga Bilang 24:16

Kan nakakadangog kan tataramon nin Dios, Asin nakakaisi kan kadonongan kan Kahorohalangkawe. Kan nakakahiling kan bisyon kan Makakamhan, Kan natutumba, alagad malinaw an mga mata.

Mga Bilang 24:4

Kan nakakadangog kan tataramon nin Dios, Kan nakakahiling kan bisyon kan Makakamhan; Kan natutumba, alagad malinaw an mga mata.

Mateo 17:9

Mantang naglulugsot sinda sa bukid, pinagbotan sinda ni Jesus, “Dai nindo ipang-osip sa kiisay man an nahiling nindo sagkod na an Aki nin Tawo mabuhay liwat.”

Mga Gibo 10:17

Mantang iniisip ni Pedro kun ano an kahulogan kan bisyon na nahiling niya, nag-abot an mga sinugo ni Cornelio. Ipinaghapot ninda kun haen an harong ni Simon; ngunyan yaon na sinda sa may trangkahan.

Mga Gibo 26:19

“Kaya, O Hadeng Agripa, dai ako nagsuhay sa langitnon na bisyon na sakong nahiling.

2 Corinto 12:1

Dapat akong mag-orgulyo, maski mayo iyan nin pakinabang. Alagad sasabihon ko ngunyan an mga bisyon saka mga kapahayagan sako kan Kagurangnan.

2 Pedro 1:21

Huli ta mayo nin propesiya na gikan sa kabotan kan tawo; kundi sa irarom kan kapangyarihan kan Espiritu Santo, an mga tawo nagtataram kan mensahe na hale sa Dios.