Hukom 9:6 - Marahay na Bareta Biblia

⁶ Pakatapos kaini, nagtiripon an gabos na kalalakihan kan Shekem asin Bet-millo dangan nagduruman sa sagradong kahoy na hamurawon sa Shekem asin duman ninda ginibong hade si Abimelec.

Hukom 9:6 ပူးပေါင်းရင်းမြစ်များ

2 Samuel 5:9

Duman na nag-erok si David sa bantayan asin nginaranan niya ining “Syudad ni David.” Pinadakula niya an syudad magpoon sa lugar na tinambakan nin daga sa sirangan na parte kan bulod.

1 Mga Hade 12:1

Nagduman sa Shekem si Rehoboam, huli ta nagtiripon duman an bilog na Israel tanganing gibohon siyang hade.

1 Mga Hade 12:20

Kan madangog kan bilog na Israel na nagbalik si Jeroboam hale sa Egipto, ipinaapod ninda siya sa katiriponan kan banwaan, asin ginibo siyang hade nin Israel. An tribu sana ni Juda an nagdanay na maimbod sa kapagarakian ni David.

1 Mga Hade 12:25

Pinakosog ni Jeroboam an Shekem sa mabulod na daga nin Efraim asin nag-erok siya duman. Dangan naghale siya asin pinakosog an banwa nin Penuel.

2 Mga Hade 12:20

An saiyang mga opisyal nagkasararo laban ki Joas asin ginadan siya ninda duman sa harong na itinugdok sa lugar na tinambakan nin daga sa sirangan na parte kan Jerusalem, sa dalan paibaba sa Silla.

Josue 24:26

Isinurat ni Josue an mga togon na ini sa libro kan mga Togon nin Dios. Dangan nagkua siya nin sarong dakulang gapo asin pinatindog niya sa lindong kan kahoy na hamurawon na nasa santwaryo nin Kagurangnan.

Hukom 9:5

Nagduman siya sa harong kan saiyang ama sa Ofra asin sa ibabaw nin saro sanang gapo, ginadan niya an setenta niyang tugang na lalaki, na mga aki man ni Gideon. Alagad tuminago an pinakangohod na aking lalaki ni Gideon na si Jotam asin dai siya nagadan.

Hukom 9:7

Kan madangog ini ni Jotam, nagduman siya asin nagtindog sa alitoktok kan Bukid nin Gerizim dangan nagkurahaw sa sainda, “Dangoga nindo ako, kamong mga taga Shekem, asin dangogon logod kamo nin Dios!