Hukom 9:57 - Marahay na Bareta Biblia

⁵⁷ Ginibo man nin Dios na magtios an mga taga Shekem huli kan saindang karatan, siring sa maldisyon ni Jotam, na aking lalaki ni Gideon.

Hukom 9:57 ပူးပေါင်းရင်းမြစ်များ

2 Samuel 3:39

Maski ako an hade na pinili nin Dios, ako nanluluya ngunyan na aldaw. Sobra para sako an dahas kan mga aking lalaking ini ni Zeruias. Padusahan logod nin Kagurangnan an mga kriminal na ini sosog sa saindang karatan.”

1 Mga Hade 16:34

Kan panahon ni Ahab, an Jerico pinatindog giraray ni Hiel na taga Betel. Sosog sa sinabi nin Kagurangnan sa paagi ni Josue na aking lalaki ni Nun, nagadan an mga aking lalaki ni Hiel: an matua niyang aking lalaki na si Abiram nagadan kan ibugtak niya an pundasyon kan Jerico, asin an saiyang ngohod na aking lalaki na si Segub kan patindogon niya an mga trangkahan.

1 Mga Hade 2:32

Papadusahan siya nin Kagurangnan huli ta ginadan niya an duwang lalaking orog na matanos ki sa saiya, si Abner na pamayo kan hukbo nin Israel, asin si Amasa na pamayo kan hukbo nin Juda. Ginadan niya an duwang ini na dai nakakaaram an sakong ama na si David.

Salmo 7:17

Magpapasalamat ako sa Kagurangnan huli kan saiyang katanosan; mag-aawit ako nin kaomawan sa ngaran nin Kahorohalangkaweng Kagurangnan.

Salmo 94:23

Papadusahan niya sinda huli kan saindang karatan, tutunawon niya sinda huli kan saindang mga kasalan; gagadanon sinda nin Kagurangnan na satuyang Dios.

Mga Talinhaga 5:22

Sarong siod an mga kasalan kan tampalasan, asin nadadakop siya sa hikot kan sadiri niyang kasalan.

Isaias 3:11

Herak man sa mga maraot! Madatong sainda an kapahamakan, huli ta kun ano an saindang ginibo iyo man an gigibohon sainda.

Josue 6:26

Sa panahon na ini, nagtao si Josue nin sarong patanid: “Mamaldisyonon nin Kagurangnan an siisay man na magpatindog giraray kan syudad nin Jerico. Magagadan an matuang aking lalaki kan siisay man na magbugtak kan pundasyon kan syudad; Magagadan an ngohod na aking lalaki kan siisay man na magpatindog kan mga trangkahan kaiyan.”

Hukom 1:7

Nagsabi si Adonibezek, “Setentang mga hade na pinurutolan nin mga tanggurangan sa kamot sagkod bitis an nagpurot kan mga rakdag sa irarom kan sakong lamesa; ngunyan ginibo man sako nin Dios an ginibo ko sainda.” Dinara siya ninda sa Jerusalem asin duman siya nagadan.

Hukom 10:1

Pagkagadan ni Abimelec, uminabot si Tola na aking lalaki ni Pua asin makoapo ni Dodo, tanganing iligtas an Israel. Gikan si Tola sa tribu ni Issakar asin nag-erok sa Samir, sa mabulod na daga ni Efraim.

Hukom 9:20

Alagad kun bako, tutongon logod kan kalayo ni Abimelec an mga lalaki nin Shekem asin Bet-millo; asin tutongon logod si Abimelec kan kalayo kan mga lalaki nin Shekem asin Bet-millo.”

Hukom 9:24

Nangyari ini tanganing si Abimelec asin an kalalakihan sa Shekem, na nagpakosog kan saiyang boot sa paggadan kan setentang aking lalaki ni Gideon, magbayad kan kasalan na saindang ginibo.

Hukom 9:45

An ralaban nagpadagos sagkod sa hapon. Nasakop ni Abimelec an syudad, ginadan an mga tawo duman, ginaba an syudad dangan tinahoban nin asin an daga.

Hukom 9:56

Sa paaging ini, pinabayad nin Dios si Abimelec kan krimen na ginibo niya laban sa saiyang ama, kan gadanon niya an setenta niyang mga tugang na lalaki.