Hukom 9:54 - Marahay na Bareta Biblia

⁵⁴ Inapod ni Abimelec an nagdadara kan saiyang armas asin pinagbotan, “Hugkoton mo an saimong espada asin gadanon mo ako, huli ta habo kong may magsabi na saro sanang babae an guminadan sako.” Binuno siya kan nagdadara kan saiyang armas asin nagadan siya.

Hukom 9:54 ပူးပေါင်းရင်းမြစ်များ

2 Samuel 1:10

Kaya nagdolok ako saiya asin ginadan ko siya, huli ta aram ko man sanang magagadan siya sa oras na matumba siya. Dangan kinua ko an saiyang korona saka pangbrasong pulseras asin dinara ko digdi saimo, kagurangnan.”

2 Samuel 1:7

Kan magsalingoy siya, nahiling niya ako kaya inapod ako. Nagsimbag ako, ‘Uya po ako.’

2 Samuel 1:9

Dangan nagsabi siya, ‘Madya asin gadana ako! Nalugadan ako, asin madali nang magadan.’

1 Mga Cronica 10:4

Sinabihan ni Saul an paradara kan saiyang mga armas, “Hugkota an saimong espada asin gadana ako tanganing dai ako pag-olog-ologon kan bakong serkomsisyonadong mga Filisteong ini. Alagad makuri an takot kan paradara nin armas, kaya dai siya nagkuyog. Kaya kinua ni Saul an saiyang espada asin dinapaan an tarom kaini.

1 Mga Cronica 10:5

Kan mahiling kan paradara nin armas na gadan na si Saul, dinapaan man niya an tarom kan saiyang espada asin nagadan.

Hukom 4:9

Nagsabi si Debora, “Iibahan taka, alagad bakong mapapasaimo an dangog kan kapangganahan, huli ta itatao nin Kagurangnan si Sisera sa sarong babae.” Kaya nagpasiring sa Kedes si Debora kaiba si Barak.

Hukom 9:55

Kan mahiling kan mga Israelita na gadan na si Abimelec, nagpuruli na sinda.

1 Samuel 14:12

Kinurahawan ninda si Jonatan asin an kaiba niya, “Sakat kamo digdi! Igwa kaming ipapahiling saindo!” Sinabihan ni Jonatan an saiyang kaiba, “Magsunod ka sako. Papaganahon na nin Kagurangnan an Israel laban sainda.”

1 Samuel 14:13

Nagkakamang na sinakat ni Jonatan an hampas kaiba an paradara kan saiyang armas. Sinalakay ni Jonatan an mga Filisteo; tinurumba niya sinda, asin ginaradan sinda kan nagsusunod na kaiba ni Jonatan.

1 Samuel 14:14

Sa ralaban na idto, si Jonatan asin an saiyang kaiba nakagadan nin haros beynteng Filisteo sa lugar na an kahiwasan arog sa pang-apat na parte nin sarong ektarya.

1 Samuel 14:17

Kaya sinabihan ni Saul an saiyang mga tawohan, “Bilanga nindo an satong mga tawohan asin aramon nindo kun siisay an mayo digdi.” Binilang asin naaraman ninda na mayo duman si Jonatan dangan an hoben na paradara kan saiyang armas.

1 Samuel 14:7

Nagsimbag an hoben, “Giboha an nasa isip mo; kaiba mo ako.”

1 Samuel 16:21

Nag-abot si David ki Saul asin nagpoon maglingkod sa hade. Nawilihan siya nin marahay ni Saul kaya siya an nagin paradara kan armas niya.

1 Samuel 31:6

Siring kaidto an pagkagadan ni Saul, kan saiyang tolong aking lalaki, asin kan paradara kan saiyang mga armas, patin kan gabos niyang tawohan. Nagadan sinda sa parehong aldaw.