Hukom 9:5 - Marahay na Bareta Biblia

⁵ Nagduman siya sa harong kan saiyang ama sa Ofra asin sa ibabaw nin saro sanang gapo, ginadan niya an setenta niyang tugang na lalaki, na mga aki man ni Gideon. Alagad tuminago an pinakangohod na aking lalaki ni Gideon na si Jotam asin dai siya nagadan.

Hukom 9:5 ပူးပေါင်းရင်းမြစ်များ

1 Mga Hade 1:12

Uya an hatol ko saimo tanganing ikaligtas mo an saimong buhay asin an buhay kan saimong aking si Solomon.

1 Mga Hade 1:21

Kun dai mo gibohon iyan, ako asin an saimong aking si Solomon ibibilang na may sala pagkagadan mo.”

2 Mga Hade 10:17

Pag-abot sa Samaria, ginadan ni Jehu an gabos na natatada pang kadugo ni Ahab; mayo siya nin itinadang buhay, siring sa itinaram nin Kagurangnan ki Elias.

2 Mga Hade 10:7

Pakabasa ninda kan surat, ginadan ninda an setentang aking lalaki ni Ahab, ibinugtak an mga payo sa mga basket, asin ipinadara ki Jehu sa Jezreel.

2 Mga Hade 11:3

Sa laog nin anom na taon itinago ni Jehosheba si Joas duman sa Templo, mantang si Atalia an namayo bilang reyna.

2 Mga Cronica 21:4

Kan nakatukaw na sa trono nin saiyang ama si Jehoram, ipinagadan niya an gabos niyang tugang asin an nagkapirang mga opisyal nin Israel.

Mateo 2:16

Naanggot na gayo si Herodes kan maaraman niya na nadaya siya kan mga mago na taga sirangan. Kaya ipinagadan niya an gabos na lalaki sa Betlehem sagkod sa mga kataed na lugar, mga lalaki na an edad duwang taon paibaba, sosog sa naaraman niya sa mga mago manongod kan oras nin pagtunga kan bitoon.

Mateo 2:20

asin nagsabi, “Magbangon ka, magbalik na kamo sa Israel, huli ta gadan na an mga naghomang gumadan sa aki.”

Hukom 6:11

Dangan uminabot sa Ofra an anghel nin Kagurangnan asin tuminukaw sa lindong kan sarong kahoy na hamurawon na sadiri ni Joas, saro sa mga kamaganakan ni Abiezer. An saiyang aking lalaki na si Gideon hilom na naggiginik nin trigo duman sa pugaan nin ubas tanganing dai siya mahiling kan mga Midianita.

Hukom 6:24

Pakatapos kaini, nagtugdok nin altar si Gideon para sa Kagurangnan asin nginaranan niyang, “An Kagurangnan iyo an katoninongan.” (Sagkod ngunyan nagtitindog pa ini duman sa Ofra na sadiri kan pamilya ni Abiezer.)

Hukom 8:30

Nagkaigwa siya nin setentang aking lalaki huli ta dakul an saiyang nagin agom.

Hukom 9:18

Alagad kinalaban nindo ngunyan an pamilya kan sakong ama; ginadan nindo an setenta niyang aking lalaki sa ibabaw nin saro sanang gapo, asin ginibo nindong hade nin Shekem si Abimelec na aking lalaki ni Gideon sa saiyang sorogoon na babae huli ta kadugo nindo siya.

Hukom 9:2

na hapoton an kalalakihan sa Shekem, “Arin an marahay saindo: an maglingkod sa setentang mga aking lalaki ni Gideon o sa saro sana? Giromdomon nindo na si Abimelec saindong laman asin dugo.”

Hukom 9:6

Pakatapos kaini, nagtiripon an gabos na kalalakihan kan Shekem asin Bet-millo dangan nagduruman sa sagradong kahoy na hamurawon sa Shekem asin duman ninda ginibong hade si Abimelec.