Hukom 9:4 - Marahay na Bareta Biblia

⁴ Tinawan ninda siya nin setentang pedasong plata na hale sa templo ni Baal-berit, asin itinandan niya an kwartang ini sa mga mayong halagang tawo tanganing mag-iba saiya.

Hukom 9:4 ပူးပေါင်းရင်းမြစ်များ

2 Samuel 6:20

Kan magpuli si David tanganing masakaibahan kan saiyang pamilya, sinabat siya ni Mical asin sinabihan, “Nagdakula an dangog kan hade nin Israel ngunyan na aldaw huli ta naghuba siya na garo lolong sa atubangan kan mga babaeng oripon kan saiyang mga opisyal!”

2 Mga Cronica 13:7

dangan nagtipon siya nin sarong grupo nin mayo nin halagang mga tawo asin kinalaban ninda si Rehoboam, na aking lalaki ni Solomon. Dai nin naginibo sainda si Rehoboam huli ta ini aki pa saka mayo nin pakaaram.

An Libro ni Job 30:8

Sinda sarong grupo nin mayong halaga na mga tawo, na pinalayas sa daga.

Mga Talinhaga 12:11

An mahigos na paraoma igwa nin dakul na kakanon, alagad kalolongan an magsayang nin panahon sa mayo nin halagang mga proyekto.

Sofonias 3:4

Dai malalaoman asin parapasaluib an saiyang mga propeta; an mga banal na bagay dinidigtaan kan mga padi asin an togon nin Dios saindang binibiko para sa sadiri nindang karahayan.

Mga Gibo 17:5

Alagad naori an mga Judio, kaya tiniripon ninda an nagkapirang hampaslupa dangan pinaribok ninda an bilog na syudad. Sinakat ninda an harong ni Jason sa paghanap ki Pablo asin ki Silas tanganing iatubang sa mga tawo.

Hukom 11:3

Nagdulag si Jefta sa saiyang mga tugang asin nag-erok sa daga nin Tob. Duman, nakipagsaro saiya an grupo nin mayong halagang mga tawo asin nag-iriba sinda saiya.

Hukom 8:33

Pakagadan ni Gideon, an banwaan nin Israel nagtalikod giraray sa Dios asin nagsamba sa mga Baal. Ginibo nindang dios si Baal-berit,

Hukom 9:27

Nagduman sinda gabos sa saindang mga ubasan, nagguno nin ubas asin ginibo nindang arak dangan nagpyesta sinda. Nagduman sinda sa templo kan saindang dios-dios saen nagkarakan sinda asin nag-irinom, patin linibak ninda si Abimelec.

1 Samuel 22:2

Nagduman man ki David an mga tawong inapi, an mga may utang asin an mga bakong kontento sa buhay, haros apat na gatos gabos, asin si David an saindang nagin pamayo.