Hukom 9:27 - Marahay na Bareta Biblia

²⁷ Nagduman sinda gabos sa saindang mga ubasan, nagguno nin ubas asin ginibo nindang arak dangan nagpyesta sinda. Nagduman sinda sa templo kan saindang dios-dios saen nagkarakan sinda asin nag-irinom, patin linibak ninda si Abimelec.

Hukom 9:27 ပူးပေါင်းရင်းမြစ်များ

Salmo 109:17

Nawili siyang magmaldisyon; maldisyonon logod siya! Habo siya nin bendisyon; magharayo logod ini saiya!

Exodo 32:19

Kan harani na sinda sa kampo, nahiling ni Moises an baka asin an pagbabarayle kan mga tawo. Huli kaini, nagsulwak an kaanggotan ni Moises asin ipinusak niya sa pamitisan kan bukid an dara niyang mga tablang gapo asin nagkabaraak an mga ini.

Exodo 32:6

Sunod na aldaw, nagmaratang amay an mga tawo asin nagdorolot nin mga tinutong na atang. Nagdarara man sinda nin mga atang para sa katoninongan. Nagturukaw sinda tanganing magkarakan asin mag-irinom; an saindang pyesta natapos sa bururatan asin dororogan.

Jeremias 25:30

“Jeremias, dapat na ipahayag mo an lambang sinabi ko. Taraman mo nanggad an mga tawong ini, ‘An Kagurangnan maghahagubohob hale sa langit asin magdadaguldol hale sa kaitaasan nin langit. Maghahagubohob siya laban sa saiyang banwaan; magkukurahaw siya arog kan sarong tawo na nagtitimaktimak kan mga ubas. An lambang saro sa daga makakadangog saiya,

Daniel 5:23

kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

Oseas 7:14

Bakong tudok sa puso an pagpamibi ninda sako, kundi minadarapa saka minaharayo sinda arog kan ginigibo kan mga pagano. Kun namimibi sinda para sa trigo saka arak, linulugad ninda an saindang sadiri siring sa mga pagano. Mga rebelde nanggad sinda!

Hukom 16:23

Nagtiripon an mga hade kan mga Filisteo tanganing mag-orogma asin tanganing magdolot nin dakul na tinutong na atang sa saindang dios na si Dagon. Nag-arawit sindang, “Itinao sato kan satong dios an kapangganahan laban sa satong kaiwal na si Samson!”

Hukom 8:33

Pakagadan ni Gideon, an banwaan nin Israel nagtalikod giraray sa Dios asin nagsamba sa mga Baal. Ginibo nindang dios si Baal-berit,

Hukom 9:26

Dangan uminabot sa Shekem si Gaal na aking lalaki ni Ebed kaiba an mga tugang niyang lalaki, asin nagsarig saiya an mga tawo duman.

Hukom 9:4

Tinawan ninda siya nin setentang pedasong plata na hale sa templo ni Baal-berit, asin itinandan niya an kwartang ini sa mga mayong halagang tawo tanganing mag-iba saiya.

Hukom 9:46

Kan an nangyari madangog kan gabos na tawo sa tore kan Shekem, nagtarago sinda sa bantayan kan templo ni Baal-berit.

1 Samuel 17:43

Nagsabi si Goliat ki David, “Ano ako, ayam, kun kaya nagdigdi ka na may darang pamakol?” Dangan pinagmaldisyon niya si David sa ngaran kan saiyang mga dios-dios.