Hukom 9:15 - Marahay na Bareta Biblia

¹⁵ Nagsimbag an binit, ‘Kun talagang boot nindo akong gibohon na saindong hade, madya asin sirong kamo sa sakong limpoy. Kun habo kamo, maluwas sa sakong matonok na mga sanga an kalayo na matutong kan mga sedro nin Lebanon.’

Hukom 9:15 ပူးပေါင်းရင်းမြစ်များ

2 Mga Hade 14:9

Ipinadara ni Jehoas ki Amazias an simbag na ini, “Sarong binit sa Lebanon an nagsabi sa sarong sedro sa Lebanon, ‘Ipakasal mo an aki mong babae sa aki kong lalaki.’ Alagad sarong lalaw na hayop an nag-agi dangan tinimaktimakan an binit.

Salmo 104:16

Dakul na uran minabaribi sa mga kahoy nin Kagurangnan; sa mga sedro na saiyang itinanom sa Lebanon.

Salmo 29:5

Mga sedro binabari kan tingog nin Kagurangnan; mga sedro nin Lebanon binabari nin Kagurangnan.

Isaias 1:31

Siring na an dagami nasusulo kan manok-manok nin kalayo, mapapahamak man an mga mapangyaring mga tawo huli kan saindang maraot na gibo asin mayo nin makakaontok kan saindong pagkaraot.

Isaias 2:13

laban sa mga halangkaw na sedro nin Lebanon, asin laban sa gabos na hamurawon nin Basan;

Isaias 30:2

Nagduduman sinda sa Egipto tanganing maghagad nin tabang maski dai pa sinda naghahagad kan sakong hatol. Boot nindang surogon sinda kan Egipto, kaya ibinubugtak ninda an saindang pagsarig sa hade nin Egipto.

Isaias 37:24

Sa paagi kan saimong mga sorogoon tinuyatuya mo ako, dangan nagsabi ka na huli kan kadakul mong karwahe nasakop mo an halangkaw na kabukidan nin Lebanon. Naghambog ka na pinalod mo duman an pinakahalangkaw na mga sedro dangan an pinakamarahay na mga sipres, asin na naabot mo an pinakapusod kan kadlagan.

Mga Panambitan 4:20

Binihag ninda an ginikanan kan samong buhay, an hade na linahidan nin Kagurangnan, an samong sinarigan na maingat samo sa lambang parasalakay.”

Ezekiel 19:14

Nasulo an poon kaini; natutong an mga sanga asin mga bunga. An mga sanga dai na nanggad magigin makosog, dai na nanggad magigin mga setro nin hade. Saro ining awit nin panambitan; danay ining inaawit.

Ezekiel 31:3

Ibabaing taka sa sarong kahoy na sedro nin Lebanon, na may magayon saka marambong an mga sanga, halangkaw na kahoy na an poro abot sa mga panganoron.

Daniel 4:12

Magayon an mga dahon kan kahoy asin dakul nin marahay an bunga—pwedeng pagkakan kan bilog na daga. Nagpahingalo sa limpoy kaiyan an mga lalaw na hayop, naggibo nin mga salagan sa mga sanga kaiyan an mga gamgam, asin nagkakan kan bunga kaiyan an manlaen-laen na linalang.

Oseas 14:7

Mabalik sinda asin mag-eerok sa lindong kan sakong pangataman. Mamumurak sinda arog sa sarong tatamnan, mamumunga siring sa sarong poon nin ubas, asin an hamot ninda magigin arog kan arak nin Lebanon.

Mga Bilang 21:28

Hale sa syudad nin Hesbon luminuwas siring sa kalayo an hukbo ni Sihon, Asin ginaba kaiyan an syudad nin Ar sa Moab. Hinalon an mga kagurangnan kan kabubuldan nin Arnon.

Mateo 13:32

Ini an pinakasadit sa gabos na pisog, alagad pagtalubo, iyo an pinakadakula sa gabos na tanom. Ini nagigin sarong kahoy, kaya an mga gamgam minatugdon saka minagibo kan saindang salagan sa mga sanga kaini.”

Hukom 9:14

Kaya sinabihan kan kakahoyan an binit, ‘Ika an maghade samo.’

Hukom 9:16

“Kaya ngunyan,” padagos ni Jotam, “totoo daw asin tudok sa puso an ginibo nindong pagpili ki Abimelec bilang hade nindo? Iginalang daw nindo an ngaran ni Gideon asin an saiyang pamilya huli kan mga ginibo niya na maninigong igalang?

Hukom 9:20

Alagad kun bako, tutongon logod kan kalayo ni Abimelec an mga lalaki nin Shekem asin Bet-millo; asin tutongon logod si Abimelec kan kalayo kan mga lalaki nin Shekem asin Bet-millo.”

Hukom 9:44

Mantang hidaling nagdalagan an grupo ni Abimelec pasiring sa trangkahan kan syudad tanganing bantayan idto, an duwang grupo naman an nagsalakay kan mga tawo sa kaomahan asin ginaradan ninda.

Hukom 9:49

Kaya an lambang saro nagputol nin sanga nin kahoy dangan nagsunod ki Abimelec asin tinarambak ninda an mga sanga sa may bantayan. Sinulo ninda an bantayan kaiba an mga tawo na yaon duman. Nagkagaradan an gabos na tawo sa tore nin Shekem—may sangribong kalalakihan saka kababaehan.