Hukom 8:5 - Marahay na Bareta Biblia

⁵ Pag-abot ninda sa Sukkot, sinabihan ni Gideon an kalalakihan sa banwa na idto, “Tawe man nindo nin pagkakan an sakong mga tawohan huli ta nanluluya na sinda, asin pinaglalamag ko an duwang hade kan Midian na si Zeba saka si Zalmunna.”

Hukom 8:5 ပူးပေါင်းရင်းမြစ်များ

Genesis 14:18

Si Melkizedek, na hade kan Salem asin padi kan Kahorohalangkaweng Dios, nagdara nin tinapay asin arak ki Abram.

Genesis 33:17

alagad nagpaduman sa Sukkot si Jacob. Nagpatindog siya duman nin harong asin mga harong-harong para sa saiyang mga hayop; kaya an lugar na idto nginaranan nin Sukkot.

Salmo 60:6

Nagtaram an Dios hale sa saiyang santwaryo, “Sa kaogmahan, an Shekem babangaon ko, an Kapantayan nin Sukkot hihirason ko.

Deuteronomio 23:4

Nagsayuma sindang tawan kamo nin pagkakan asin inomon kan nagbabaklay kamo hale sa Egipto; tinandanan ninda si Balaam, na aki ni Beor na gikan sa Petor kan Mesopotamia, tanganing maldisyonon kamo.

Hukom 5:23

“Maldisyonon an Meroz,” an olay kan anghel nin Kagurangnan, “maldisyonon an gabos na nag-eerok duman. Dai sinda nag-abot sa pagtabang sa Kagurangnan, sa pagtabang sa Kagurangnan laban sa mapangyari.”

Hukom 8:10

Nasa Karkor na kaidto si Zeba asin si Zalmunna kaiba an saindang hukbo. Sa bilog na hukbo kan mga nag-eerok sa desyerto, igwa na sanang natatadang kinse mil na mga lalaki; syento beynte mil na an nagadan sa sainda.

Hukom 8:12

Nakadulag an duwang hade kan Midian alagad linamag sinda ni Gideon sagkod na madakop. Huli ki Gideon, nataranta an bilog nindang hukbo.

Hukom 8:15

Dangan nagduman si Gideon sa kalalakihan kan Sukkot asin nagsabi, “Nagigiromdoman nindo an pagsayuma nindo na tabangan kami? Nagsabi kamo na dai nindo tatawan nin pagkakan an sakong nanluluya na hukbo huli ta dai ko pa nadadakop si Zeba asin si Zalmunna. Ngunyan, uya sinda!”

1 Samuel 25:18

Hidaling nagkua si Abigail nin duwang gatos na tinapay, duwang laogan na anit na pano nin arak, limang linitson na karnero, dyes y syete kilos na pinaalang na trigo, sanggatos na pungot nin pasas, asin duwang gatos na bibingkang alang na higera; ikinarga niya ini gabos sa mga asno.