Hukom 8:28 - Marahay na Bareta Biblia

²⁸ Kaya nadaog kan mga Israelita an Midian asin dai na ini pinagtakotan. Nagkaigwa nin katoninongan sa daga sa laog nin kwarentang taon sagkod na magadan si Gideon.

Hukom 8:28 ပူးပေါင်းရင်းမြစ်များ

Salmo 83:2

Uya, nagriribok an saimong mga kaiwal; nagrerebelde an mga naoongis saimo.

Isaias 10:26

Ako, an Kagurangnan nin mga hukbo, an mahampak sainda kan sakong pamakol arog kan paghampak ko sa mga taga Midian sa Gapo ni Oreb. Papadusahan ko an Asiria siring kan paghampak ko sa Egipto.

Isaias 9:4

Huli ta saimong binari an sakal na nakakapagabat sainda asin an sugkod na ipinapakol sa saindang mga abaga. Dinaog mo an nasyon na nag-api asin nandaya kan saimong banwaan, siring na dinaog mo kaidto an hukbo nin Midian.

Hukom 3:11

Pakatapos kaini, nagkaigwa nin katoninongan an daga sa laog nin kwarentang taon, dangan nagadan si Otniel.

Hukom 3:30

Kan aldaw na idto, dinaog kan mga Israelita an Moab, asin nagkaigwa nin katoninongan sa daga sa laog nin otsentang taon.

Hukom 5:31

Magkagaradan logod, sa siring na paagi an gabos mong kaiwal, O Kagurangnan, alagad magliwanag logod an saimong mga katood siring sa minasirang na aldaw! Dangan nagkaigwa nin katoninongan sa daga sa laog nin kwarentang taon.

Hukom 8:27

Guminibo si Gideon nin sarong bulawan na estatwa asin ibinugtak niya idto sa sadiri niyang banwa, sa Ofra. Tinalikodan an Dios kan mga Israelita asin sinamba ninda an estatwa. Iyo ini an nagin siod para ki Gideon asin kan saiyang pamilya.

Hukom 8:29

Nagpuli si Gideon sa sadiri niyang harong asin duman nag-erok.

1 Samuel 7:13

Kaya nadaog an mga Filisteo asin dai nanggad sinda tinugotan nin Kagurangnan na masakop an Israel mantang nabubuhay pa si Samuel.