Hukom 8:27 - Marahay na Bareta Biblia

²⁷ Guminibo si Gideon nin sarong bulawan na estatwa asin ibinugtak niya idto sa sadiri niyang banwa, sa Ofra. Tinalikodan an Dios kan mga Israelita asin sinamba ninda an estatwa. Iyo ini an nagin siod para ki Gideon asin kan saiyang pamilya.

Hukom 8:27 ပူးပေါင်းရင်းမြစ်များ

Salmo 106:35

kundi nakipag-agoman sinda sa mga pagano, asin inarog an saindang mga gibo.

Salmo 106:39

Nagin maati sinda huli kan saindang mga gibo, asin nagtalikod sinda sa Dios.

Salmo 73:27

Magagadan nanggad an mga harayo saimo; ginagadan mo an mga bakong maimbod saimo.

Exodo 23:33

Dai nindo sinda pagtugotan na mag-erok sa saindong daga huli ta kun magtugot kamo, papagkasalaon ninda kamo sa sakuya; iyan an magigin siod sa saindo kun sambahon nindo an saindang mga dios-dios.”

Exodo 32:4

Kinua niya an mga hikaw asin tinunaw, dangan inula ini sa sarong hormahan asin naggibo siya nin sarong metal na baka. Nagsabi an mga tawo, “O Israel, iyo ini an satong dios na nagluwas sato sa Egipto!”

Exodo 34:16

dangan tibaad agomon kan saindong mga aking lalaki an saindang mga aking babae, na masugot sainda na magtalikod sako asin magsamba sa saindang mga paganong dios-dios.

Isaias 8:20

Simbagon nindo sinda nin, “Dangoga an itinutukdo saindo nin Kagurangnan! Dai kamo magdangog sa mga nakikiolay sa mga gadan—dai magbubunga nin marahay an sasabihon ninda saindo.”

Ezekiel 7:20

Kaidto ipinag-orgulyo ninda an saindang magagayon na mga alahas, alagad an mga iyan ginamit ninda sa paggibo nin makauuyam na mga ladawan. Kaya an mga bagay na iyan ginibo nin Kagurangnan na magin maati para sainda.

Oseas 2:2

Mga aki ko, makimaherak kamo sa saindong ina—maski bako na siya sarong agom para sako, asin bako na ako an saiyang agom. Makimaherak kamo saiya na ontokon na niya an pakikidorog sa ibang lalaki asin an saiyang pagigin sarong maraot na babae.

Oseas 3:4

Sa siring na kamugtakan, mamumuhay na mayo nin mga hade o lider an mga Israelita; mayo nin mga sakripisyo o banal na mga hariging gapo, mayong mga dios-dios o mga ladawan na gagamiton sa pag-aram kan dai pa nangyayari.

Deuteronomio 12:5

Hale sa gabos na daga kan saindong tribu, mapili an Kagurangnan na saindong Dios nin sarong lugar na pagtitiriponan kan mga tawo sa pagsamba saiya.

Deuteronomio 7:16

Gadanon nindo an gabos na banwaan na itatao sa saindong kamot kan Kagurangnan na saindong Dios. Dai kamo maherak sainda asin dai kamo magsamba sa saindang mga dios-dios. Iyan an magigin siod para saindo.

Deuteronomio 7:25

Suloon nindo an saindang mga dios-dios. Dai nindo pagmawoton asin pagsadirihon an mga plata o bulawan na yaon sa mga ladawan na iyan, huli ta iyan an makakasiod sa saindo; ikinakaanggot nin Kagurangnan an pagsamba sa mga dios-dios.

Hukom 17:5

Igwa si Micas nin sadiring lugar na pagsasambahan. Guminibo siya nin iba pang dios-dios asin efod, dangan ginibo niyang padi an saro kan mga aki niyang lalaki.

Hukom 18:14

Dangan an limang espiya na nagsiyasat kan daga sa palibot nin Lais, nagsabi sa saindang kairiba, “Aram nindo, an saro kan mga harong digdi igwa nin dios-dios na gibo sa kahoy na napapatos nin plata asin iba pang dios-dios patin sarong efod. Ano sa paghona nindo an dapat tang gibohon?”

Hukom 18:17

luminaog sa harong an limang espiya na nagsiyasat sa daga dangan kinua an dios-dios na gibo sa kahoy na napapatos nin plata, an iba pang dios-dios asin an efod. An padi yaon duman sa trangkahan kaiba an anom na gatos na armadong kalalakihan.

Hukom 2:2

Dai kamo makipagtipan sa mga tawong nag-eerok sa dagang ini. Gabaon nindo an saindang mga altar.’ Alagad ano ining ginibo nindo? Dai nindo kinuyog an sakong pagboot!

Hukom 2:3

Kaya sinasabihan ko kamo ngunyan na dai ko papahaleon an mga tawong ini sa pagdangadang nindo. Magigin mga kaiwal nindo sinda asin an pagsamba sa saindang mga dios-dios iyo an magigin siod nindo.”

Hukom 6:11

Dangan uminabot sa Ofra an anghel nin Kagurangnan asin tuminukaw sa lindong kan sarong kahoy na hamurawon na sadiri ni Joas, saro sa mga kamaganakan ni Abiezer. An saiyang aking lalaki na si Gideon hilom na naggiginik nin trigo duman sa pugaan nin ubas tanganing dai siya mahiling kan mga Midianita.

Hukom 6:24

Pakatapos kaini, nagtugdok nin altar si Gideon para sa Kagurangnan asin nginaranan niyang, “An Kagurangnan iyo an katoninongan.” (Sagkod ngunyan nagtitindog pa ini duman sa Ofra na sadiri kan pamilya ni Abiezer.)

Hukom 8:26

Kan timbangon an mga bulawan na hikaw na itinao ki Gideon, uminabot ini sa beynte kilos asin dai pa kaiba digdi an iba pang mga alahas, an mga purpurang tela na sulot kan mga hade kan Midian, sagkod an mga samno sa liog kan saindang mga kamelyo.

Hukom 8:28

Kaya nadaog kan mga Israelita an Midian asin dai na ini pinagtakotan. Nagkaigwa nin katoninongan sa daga sa laog nin kwarentang taon sagkod na magadan si Gideon.