Hukom 8:23 - Marahay na Bareta Biblia

²³ Nagsimbag sainda si Gideon, “Bakong ako o an sakong kapagarakian an magsasakop saindo; an Kagurangnan iyo an maghahade saindo.

Hukom 8:23 ပူးပေါင်းရင်းမြစ်များ

Salmo 10:16

An Kagurangnan hade sagkod pa man. Mawawara sa saiyang daga an mga nagsasamba sa ibang dios.

Salmo 149:2

Mag-ogma ka, O Israel, huli kan saimong Kaglalang; mag-ogma kamo, mga aki nin Sion, huli kan saindong hade!

Isaias 33:22

Mayo nin kamugtakan an mga gakod sa mga barkong iyan; dai pwedeng bikladon an saindang mga layag! Satong sasamsamon an gabos na yaman kan mga kaiwal na hukbo; kadakul kaiyan, kaya maski an mga pilay na lalaki magkakaigwa kan saindang kahirasan. An Kagurangnan mismo an satong magigin hade; siya an magsasakop asin mag-iingat sa sato.

Isaias 63:19

Ibinilang mo kami siring sa mga tawong dai mo pinaghadean, siring sa bako mong banwaan.

2 Corinto 1:24

Dai kami nagdidikta saindo kun ano an dapat nindong tubodon, huli ta aram ming masarig an tindog nindo sa pagtubod. Kundi naglilingkod kami para sa saindo man sanang kaogmahan.

1 Pedro 5:3

bako bilang mga kagurangnan kan nasasakopan nindo, kundi mga aarogan kan ariponpon.

Hukom 10:18

Naghinarapotan an mga lider kan mga tribu nin Israel asin an gabos na yaon duman, “Siisay an mangengenot sato sa pakilaban sa mga Ammonita? An makagibo kaiyan, iyo na an mimidbidon na lider kan gabos na uya digdi sa Gilead.”

Hukom 2:18

Kun tinatawan nin Kagurangnan an Israel nin sarong hukom, iniibahan niya ini asin iliniligtas an mga tawo sa saindang mga kaiwal sagkod na buhay pa an hukom. Naheherak an Kagurangnan sainda huli ta minaagrangay sinda dahel sa kasakitan asin kaoripnan.

Hukom 8:22

Pakatapos kaini, nagsabi ki Gideon an mga Israelita, “Ika na an magsakop samo—ika, sagkod an kapagarakian mo, huli ta ilinigtas mo kami sa mga Midianita.”

1 Samuel 10:19

Ako an saindong Dios, an nagtabang saindo sa gabos nindong problema asin kasakitan; alagad ngunyan, hinaboan nindo ako asin nakimaherak sako na tawan kamo nin hade. Kaya magtiripon kamo gabos sosog sa saindong tribu asin kamaganakan, sa atubangan nin Kagurangnan.’”

1 Samuel 12:12

Alagad kan mahiling nindo na sasalakayon kamo ni Hadeng Nahas nin Ammon, hinaboan nindo an Kagurangnan bilang saindong hade dangan sinabihan nindo ako, ‘Boot ming magkaigwa nin sarong hade na masakop samo.’