Hukom 7:24 - Marahay na Bareta Biblia

²⁴ Nagpadara nin mga sugo si Gideon sa gabos na lugar kan mabulod na daga nin Efraim asin nagpasabi, “Magrulugsot kamo dangan makilaban sa mga Midianita. Hare nindo pagpabalyoha an mga kaiwal sa Salog nin Jordan sagkod sa mga sapa nin Bet-bara.” Kaya tiniripon an kalalakihan nin Efraim, asin binantayan ninda an Salog nin Jordan saka an mga sapa sagkod sa Bet-bara.

Hukom 7:24 ပူးပေါင်းရင်းမြစ်များ

Habakkuk 3:7

Nahiling ko na nagkatarakot an mga taga Cushan asin nagkurubogkubog an mga taga Midian.

Juan 1:28

Nangyari ini sa Betania, sa ibong kan Salog nin Jordan saen nagbubunyag si Juan.

Roma 15:30

Nakikimaherak ako saindo, mga tugang, nin huli sa Kagurangnan tang Jesu-Cristo asin sa pagkamoot kan Espiritu Santo, na mamibi kita sa Dios para sako.

Filipos 1:27

Ngunyan, an mahalaga iyo na mamuhay kamo sosog sa itinutukdo kan Marahay na Bareta dapit ki Cristo, tanganing madalaw ko man kamo o dai, mabaretaan ko na nagdadanay kamong masarig, may saro sanang katuyohan, saka sararong nakikilaban para sa pagtubod sa Marahay na Bareta.

Hukom 12:5

Tanganing dai nin makadulag sa sainda, binantayan kan mga taga Gilead an mga lugar sa salog na pwedeng pagbalyohan. Kaya kun an sarong taga Efraim na naghihingowang makadulag minapaising magbalyo, hinahapot siya kan mga lalaking taga Gilead, “Taga Efraim ka ano?” Kun magsimbag siyang, “Bako,”

Hukom 8:3

Itinao nin Dios sa saindong kamot an duwang prinsipe kan Midian na si Oreb asin si Zeeb. Ano man an naginibo ko na pwedeng iarog kaiyan?” Kan sabihon niya ini, dai na sinda naanggot ki Gideon.