Hukom 7:20 - Marahay na Bareta Biblia

²⁰ Inarog sinda kan duwa pang grupo. Kapot ninda gabos sa saindang mga walang kamot an mga karaba, asin sa too an saindang mga trompeta. Nagkurahaw sinda gabos, “Sarong espada para sa Kagurangnan asin para ki Gideon!”

Hukom 7:20 ပူးပေါင်းရင်းမြစ်များ

Isaias 27:13

Pag-abot kan aldaw na iyan, patatanogon an sarong trompeta tanganing apodon an gabos na Israelita hale sa Asiria saka Egipto na itinapok duman. Madatong sinda asin masamba sa Kagurangnan sa Jerusalem, sa banal niyang bulod.

Jeremias 47:6

Nagkukurahaw kamo, ‘Espada kan Kagurangnan; sagkod nuarin ka manlulugad? Maglaog ka sa saimong sarongan, mag-ontok ka saka magpahingalo!’

1 Corinto 15:52

sa panali—sa sarong pagpirok nin mata—sa pagtanog kan huring trompeta. Huli ta sa pagtanog kan huring trompeta, an mga gadan bubuhayon liwat asin dai na magagadan; kita gabos maliliwat,

2 Corinto 4:7

Alagad kaming mga tinawan kaining espiritwal na kayamanan garo mga dalipay na koron tanganing ipahiling na an pinakadakulang kapangyarihan hale sa Dios asin bakong samo.

1 Tesalonica 4:16

Ikukurahaw an pagboot, madadangog an tingog kan arkanghel, matanog an trompeta nin Dios asin kadungan kaiyan, mahilig hale sa langit an Kagurangnan. An mga nagkagaradan ki Cristo an enot na bubuhayon liwat.

Hebreyo 11:4

Huli sa pagtubod, nagdolot si Abel sa Dios nin mas marahay na atang ki sa atang ni Cain. Huli kan pagtubod ni Abel, inako siya nin Dios bilang matanos; bilang patotoo kaiyan, inako nin Dios an saiyang mga dolot. Gadan na si Abel, alagad huli kan saiyang pagtubod nagtataram pa siya.

Josue 6:16

Sa ikapitong paglibot, kan papatanogon na kan mga padi an saindang mga trompeta, pinagbotan ni Josue an saiyang mga soldados, “Magkurahaw kamo, huli ta itinao na saindo nin Kagurangnan an bilog na syudad!

Josue 6:20

Kaya pinatanog kan mga padi an mga trompeta. Pagkadangog kaini kan mga lalaki, nagkurahaw sinda nin makosog asin narumpag an mga kudal. Dangan tinukad kan bilog na hukbo an bulod pasiring sa syudad asin sinakop an syudad.

Josue 6:4

Mangengenot sa Kaban nin Tipan an pitong padi, na an lambang saro may darang trompeta. Sa ikapitong aldaw, mamartsa ka asin an saimong mga soldados nin pitong beses sa palibot kan syudad mantang pinapatanog kan mga padi an saindang mga trompeta.

2 Pedro 1:15

Kaya gigibohon ko an gabos kong makakaya tanganing kun ako gadan na, danay nindong magiromdoman an mga bagay na ini.

Hukom 7:19

Nakarani sa kampo kan mga kaiwal si Gideon asin an sanggatos niyang tawohan kan madali nang magmatanga an banggi, asin kan bago pa sanang ribayan an bantay. Pinatanog ninda an saindang mga trompeta dangan pinarasa an mga dulay na dara ninda.

Hukom 7:21

Dai sinda nagharale sa saindang natitindogan sa palibot kan kampo, asin an bilog na hukbo kan saindang kaiwal nagdaralagan na nagkukurahaw.

1 Samuel 11:11

Pagkaagang amay, pinagtolong grupo ni Saul an saiyang mga tawohan, asin kan nagliliwanag na, sinalakay ninda an kampo kan mga Ammonita. Kan odto na, dakul na an nagkagaradan sa mga kaiwal; nawarak an mga natada, mala ta mayo nin duwa katawo na nakadulag pasiring sa parehong lugar.