Hukom 7:2 - Marahay na Bareta Biblia

² Nagtaram an Kagurangnan ki Gideon, “Dakul nin marahay para sako an saimong mga tawohan tanganing tawan ko sinda nin kapangganahan laban sa mga Midianita. Tibaad isipon nindang nanggana sinda huli sa sainda man sana, asin bakong huli sa tabang ko.

Hukom 7:2 ပူးပေါင်းရင်းမြစ်များ

Genesis 46:2

Pagkabanggi, inapod siya nin Dios sa sarong bisyon, “Jacob, Jacob!” “Uya ako,” an simbag niya.

2 Mga Cronica 14:11

Namibi si Asa sa Kagurangnan na saiyang Dios, “O Kagurangnan, matatabangan mo an sarong maluyang hukbo, siring na matatabangan mo man an sarong makosog na hukbo. Tabangan mo kami, O Kagurangnan na samuyang Dios, huli ta nananarig kami saimo asin sa ngaran mo nagdigdi kami sa pakilaban sa dakulang hukbong ini. O Kagurangnan, ika an samuyang Dios; hare pagtugot na madaog ka nin siisay man.”

Isaias 10:13

Huli ta nagsasabi an emperador nin Asiria, “Nagibo ko iyan huli ta ako makosog, madonong asin tuso. Hinale ko an mga pagdolonan nin mga nasyon asin kinua ko an mga pagkakan na saindang sinaray. Arog sa sarong toro, tinimaktimakan ko an mga tawong nag-eerok duman.

Isaias 2:11

Ibababa an mapalangkaw na gawe nin tawo, asin an kapaabaw-abawan nin katawohan ibababa man; an Kagurangnan sana an ilalangkaw sa aldaw na iyan.

Isaias 2:17

Ibababa an kapaabaw-abawan nin tawo, asin an kapalangkawan nin katawohan ibababa man; an Kagurangnan sana an ilalangkaw sa aldaw na iyan.

Jeremias 9:23

Nagtataram an Kagurangnan, “Dai dapat ipag-orgulyo kan madonong an saiyang kadonongan, ni kan makosog an saiyang kosog, ni kan mayaman an saiyang yaman.

Ezekiel 28:17

Nagpaabaw-abaw ka huli kan saimong pagkagwapo, asin an kabantogan mo iyo an nagdagka saimo na mamuhay na garo lolong. Huli kaini, itinapok taka sa daga dangan binayaan bilang sarong patanid para sa ibang mga hade.

Ezekiel 28:2

“Aki nin tawo, sabihan mo an pamayo nin Tiro kun ano an itinataram ko saiya, ako an Kagurangnan Dios: Sa kapaabaw-abawan, minasabi ka na ika sarong dios. Minasabi ka na nagtutukaw ka sa trono, arog sa sarong dios sa tahaw nin kadagatan. Nagsasagin-sagin kang sarong dios alagad saro ka man sanang tawo.

Daniel 4:30

nagsabi siya, “Bakong iyo ini an dakulang Babilon na pinatindog ko huli kan sakong kapangyarihan bilang sakong pangenot na syudad tanganing ipahiling an sakong kosog, kamurawayan asin kamahalan?”

Habakkuk 1:16

Kaya sinasamba ninda an saindang mga hikot saka dinodolotan nin mga sakripisyo, huli ta nagtatao iyan sa sainda kan pinakamarahay sa gabos na bagay.

Zacarias 12:7

“Ako, an Kagurangnan, an matao nin kapangganahan enot sa mga hukbo nin Juda, tanganing an onra na aakoon kan mga kapagarakian ni David asin kan banwaan nin Jerusalem dai makaorog kan aakoon kan ibang kabtang nin Juda.

Zacarias 4:6

Tinaraman ako kan anghel na itao ki Zerubabel an mensaheng ini na hale sa Kagurangnan: “Magigin mauswag ka, bakong huli sa kosog nin hukbo o huli sa sadiri mong kosog, kundi huli sa sakong espiritu.

Mga Bilang 31:4

Magpadara kamo nin sangribong mga lalaki hale sa lambang tribu nin Israel.”

Roma 11:18

Kaya dai kamo magpaabaw-abaw sa mga sanga. Romdomon nindo na bakong kamo an nagbubuhay sa gamot; an gamot an nagbubuhay saindo.

Roma 3:27

Kaya ano an ipinag-oorgulyo ta? Mayo! Tano ta mayo? Ini daw huli ta nagkukuyog kita kan Katogonan? Bako, kundi huli ta nagtutubod kita ki Jesus.

2 Corinto 4:7

Alagad kaming mga tinawan kaining espiritwal na kayamanan garo mga dalipay na koron tanganing ipahiling na an pinakadakulang kapangyarihan hale sa Dios asin bakong samo.

Efeso 2:9

Mayo saindong pwedeng mag-orgulyo dapit kaini, huli ta bako ining bunga kan sadiri nindong mga gibo.

Deuteronomio 32:27

Alagad dai ko matutugotan na magpaabaw-abaw an saindang mga kaiwal sa pagsabing sinda an guminadan sa sakong banwaan, mantang ako an kaggibo kaiyan.’

Deuteronomio 8:17

Kaya dai nanggad kamo mag-isip na nagyaman kamo huli sa sadiri nindong kakayahan saka kosog.

Deuteronomio 8:18

Giromdoma nindo na an Kagurangnan na saindong Dios iyo an nagtao saindo nin kakayahan tanganing magyaman kamo. Ginibo niya ini huli ta sagkod ngunyan maimbod siya sa tipan na sinumpaan niya sa saindong mga ginikanan.

Santiago 4:6

Alagad mas dakul na biyaya an itinatao nin Dios, kaya an kasuratan nagsasabi, “Habo an Dios sa mga mapaabaw-abaw, alagad benebendisyonan niya an mga mapakumbaba.”

1 Samuel 14:6

Sinabihan ni Jonatan an hoben na nagdadara kan saiyang armas, “Magduman kita sa kampo kan bakong sirkomsisyonadong mga Filisteo. Tibaad tabangan kita nin Kagurangnan; kun tabangan niya kita, mayong makakapugol saiya sa pagtao sato nin kapangganahan, maski dikit sana kita.”