Hukom 7:15 - Marahay na Bareta Biblia

¹⁵ Kan madangog ni Gideon an dapit sa pangatorogan kan lalaki asin an kahulogan kaiyan, nagluhod siya asin nagsamba sa Kagurangnan. Dangan nagbalik siya sa kampo kan mga Israelita asin nagsabi, “Bumangon kamo! Itinatao na nin Kagurangnan sa saindong mga kamot an kapangganahan laban sa hukbo kan mga Midianita!”

Hukom 7:15 ပူးပေါင်းရင်းမြစ်များ

Genesis 24:48

Pakatapos, nagduko ako asin nagsamba sa Kagurangnan. Inomaw ko an Kagurangnan, an Dios kan sakong kagurangnan na si Abraham, na nangenot sako pasiring sa mga kadugo kan sakong kagurangnan saen nakua ko an magigin agom kan saiyang aki.

Genesis 40:8

Nagsimbag sinda, “Pareho kaming nangatorogan asin mayo digdi nin siisay man na makakapaliwanag kun ano an kahulogan.” Nagsimbag si Jose, “An Dios an nagtatao kan kakayahan sa pagpaliwanag nin mga pangatorogan. Istoryahan daw nindo sako.”

Genesis 41:11

Nangatorogan kami sa parehong banggi alagad magkaiba an kahulogan kan samong pangatorogan.

Hukom 3:28

Nagsabi siya, “Sumunod kamo sako, huli ta itinao na saindo nin Kagurangnan an kapangganahan laban sa mga kaiwal nindong mga Moabita.” Kaya nagsurunod sinda ki Ehud, asin nasakop ninda an lugar sa Jordan na pinagbabalyohan kan mga Moabita; dai ninda tinugotan na makabalyo sa ibong an siisay man.

Hukom 4:14

Sinabihan ni Debora si Barak, “Lakaw! An Kagurangnan an mangengenot saimo! Sa aldaw na ini, itatao niya saimo an kapangganahan laban ki Sisera.” Kaya sa pangenot ni Barak, naglugsot hale sa Bukid nin Tabor an dyes mil na kalalakihan,

Hukom 7:11

Madadangog mo kun ano an saindang pinag-oorolayan dangan magkakaigwa ka nin isog tanganing salakayon sinda.” Kaya naglugsot si Gideon asin si Pura pasiring sa kampo kan mga kaiwal.

Hukom 7:14

Nagsimbag an saiyang katood, “Iyo idto an espada kan Israelitang si Gideon, na aking lalaki ni Joas! Mayo na nin iba pang kahulogan an pangatorogan mo! Itinao na saiya nin Dios an kapangganahan laban sa mga Midianita asin sa bilog tang hukbo!”

Hukom 7:16

Binaranga niya an tres syentos niyang tawohan sa tolong grupo asin an lambang saro sainda tinawan niya nin tig-sararong trompeta saka dulay na igwa nin karaba sa laog.

Hukom 8:7

Kaya nagsimbag sainda si Gideon, “Bahala kamo. Alagad kun itao na sako nin Kagurangnan si Zeba asin si Zalmunna, papakolon ko kamo nin sangang matonok na hale sa kalangtadan.”

1 Samuel 1:28

Kaya idinodolot ko siya sa Kagurangnan; mantang buhay siya, sadiri siya nin Kagurangnan.” Dangan nagsamba sinda duman sa Kagurangnan.

1 Samuel 14:12

Kinurahawan ninda si Jonatan asin an kaiba niya, “Sakat kamo digdi! Igwa kaming ipapahiling saindo!” Sinabihan ni Jonatan an saiyang kaiba, “Magsunod ka sako. Papaganahon na nin Kagurangnan an Israel laban sainda.”