Hukom 7:14 - Marahay na Bareta Biblia

¹⁴ Nagsimbag an saiyang katood, “Iyo idto an espada kan Israelitang si Gideon, na aking lalaki ni Joas! Mayo na nin iba pang kahulogan an pangatorogan mo! Itinao na saiya nin Dios an kapangganahan laban sa mga Midianita asin sa bilog tang hukbo!”

Hukom 7:14 ပူးပေါင်းရင်းမြစ်များ

An Libro ni Job 1:10

Danay mo siyang sinusurog asin an saiyang pamilya patin an mga rogaring niya. Benebendisyonan mo an gabos niyang gibo, asin tinawan mo siya nin dakul na hayop na pwedeng makapano kan daga.

Mga Bilang 22:38

Nagsimbag si Balaam, “Uya na ako, bakong iyo? Alagad igwa daw ako nin kapangyarihan sa pagtaram? An itataram sako nin Dios iyo sana an sasabihon ko.”

Mga Bilang 23:20

Pinagbotan ako na magbendisyon, Asin kun an Dios minabendisyon, dai ko iyan maliliwat.

Mga Bilang 23:5

Tinaraman nin Kagurangnan si Balaam kan mga dapat isabi niya dangan pinabalik niya ini ki Balak.

Josue 2:24

dangan nagsabi, “Daing duwa-duwa na itinao na sato nin Kagurangnan an bilog na daga. Tarakot sato an gabos na tawo duman.”

Josue 2:9

asin nagsabi sainda, “Naaaraman ko na itinao saindo nin Kagurangnan an dagang ini. Natatakot saindo an gabos na nag-eerok digdi.

Josue 5:1

Nabaretaan kan gabos na hadeng Amoreo sa solnopan kan Jordan asin kan mga hadeng Cananeo sa tampi kan Dagat nin Mediteraneo, an ginibo nin Kagurangnan na pagpamara kan Jordan sagkod na makabalyo an bilog na banwaan nin Israel. Nagkatarakot sinda asin nawaraan nin isog huli sa mga Israelita.

Hukom 3:28

Nagsabi siya, “Sumunod kamo sako, huli ta itinao na saindo nin Kagurangnan an kapangganahan laban sa mga kaiwal nindong mga Moabita.” Kaya nagsurunod sinda ki Ehud, asin nasakop ninda an lugar sa Jordan na pinagbabalyohan kan mga Moabita; dai ninda tinugotan na makabalyo sa ibong an siisay man.

Hukom 7:13

Pag-abot ni Gideon duman, nadangog niya an sarong lalaking nakikipag-olay sa sarong katood. Ini an sabi kan lalaki: “Nangatorogan ako na luminigid sa satong kampo an sarong tinapay na sebada, asin tinamaan an sarong tolda. Nalaglag an tolda asin nalatag sa daga.”

Hukom 7:15

Kan madangog ni Gideon an dapit sa pangatorogan kan lalaki asin an kahulogan kaiyan, nagluhod siya asin nagsamba sa Kagurangnan. Dangan nagbalik siya sa kampo kan mga Israelita asin nagsabi, “Bumangon kamo! Itinatao na nin Kagurangnan sa saindong mga kamot an kapangganahan laban sa hukbo kan mga Midianita!”

1 Samuel 14:12

Kinurahawan ninda si Jonatan asin an kaiba niya, “Sakat kamo digdi! Igwa kaming ipapahiling saindo!” Sinabihan ni Jonatan an saiyang kaiba, “Magsunod ka sako. Papaganahon na nin Kagurangnan an Israel laban sainda.”