Hukom 7:12 - Marahay na Bareta Biblia

¹² An mga Midianita, mga Amalekita asin an mga tribung nag-eerok sa desyerto wararak sa kapantayan arog sa kadakul na doron; dai mabilang an saindang mga kamelyo, na siring kadakul kan mga baybay sa tampi kan dagat.

Hukom 7:12 ပူးပေါင်းရင်းမြစ်များ

1 Mga Hade 20:27

Tiniripon man an mga Israelita asin tinawan nin mga armas sa pakilaban; nagluwas sinda asin nagkampo sa atubangan kan mga taga Siria. An mga Israelita garo sana duwang sadit na grupo nin mga kanding mantang napano kan mga taga Siria an daga.

1 Mga Hade 4:30

Kaya an saiyang kadonongan orog ki sa kadonongan kan gabos na taga sirangan asin kan bilog na Egipto.

Salmo 3:1

Kadakul kan sakong mga kaiwal, Kagurangnan; dakul an minabangon tumang sako!

Salmo 33:16

An hade dai ikinakaligtas kan saiyang makosog na hukbo; an soldados, kan saiyang dakulang kosog.

Jeremias 46:23

asin nagraraot kan sarong mahibog na kadlagan. An saindang mga tawohan kadakul nin marahay kaya dai mabilang; mas dakul sinda ki sa mga doron.

Josue 11:4

Nag-abot an mga hadeng ini kaiba an gabos nindang soldados—sarong dakulang hukbo na an bilang siring sa mga baybay sa pangpang kan dagat. Igwa pa sinda nin dakul na mga kabayo saka mga karwahe.

Hukom 6:3

Kun minatanom an mga Israelita, minaabot sa pagsalakay sainda an mga Midianita kaiba an mga Amalekita sagkod an mga tribung nag-eerok sa desyerto.

Hukom 6:33

Dangan nagtiripon an gabos na Midianita, Amalekita asin an mga tribung nag-eerok sa desyerto, nagbalyo sa Salog nin Jordan saka nagkampo sa Kapantayan nin Jezreel.

Hukom 6:5

Minasalakay sindang dara an saindang mga hayop saka tolda, asin huli ta kadakul sinda, nakakaarog sinda sa mahibog na doron. Sinda asin an saindang mga kamelyo dai mabilang. Minaabot sinda asin rinaraot an daga.

Hukom 7:13

Pag-abot ni Gideon duman, nadangog niya an sarong lalaking nakikipag-olay sa sarong katood. Ini an sabi kan lalaki: “Nangatorogan ako na luminigid sa satong kampo an sarong tinapay na sebada, asin tinamaan an sarong tolda. Nalaglag an tolda asin nalatag sa daga.”

Hukom 8:10

Nasa Karkor na kaidto si Zeba asin si Zalmunna kaiba an saindang hukbo. Sa bilog na hukbo kan mga nag-eerok sa desyerto, igwa na sanang natatadang kinse mil na mga lalaki; syento beynte mil na an nagadan sa sainda.

1 Samuel 13:5

Nagtiripon an mga Filisteo tanganing labanan an mga Israelita; igwa sindang treynta mil na karwaheng panggera, anom na ribo na parakabayo, asin mga soldados na siring kadakul kan mga baybay sa tampi kan dagat. Nagduruman sinda sa Micmas, sa sirangan kan Bet-aven, asin duman nagkampo.

1 Samuel 30:17

Amay pa kan sunod na aldaw, sinalakay sinda ni David asin linabanan sagkod na banggi. Mayo nin nakadulag sa mga Amalekita pwera kan apat na gatos na hoben na nakasakay sa mga kamelyo.