Hukom 7:1 - Marahay na Bareta Biblia

¹ Sarong aldaw, amay na nagbangon si Gideon asin an saiyang mga tawohan dangan nagkampo sa may burabod nin Harod. An kampo kan mga Midianita idtoon sa kapantayan na nasa parteng amihan ninda, sa may bulod nin More.

Hukom 7:1 ပူးပေါင်းရင်းမြစ်များ

Genesis 12:6

nagpadagos pa sa paglakaw si Abram sagkod na makaabot siya sa sagradong kahoy nin More, an banal na lugar sa Shekem. (Kaidtong panahon duman pa nag-eerok an mga Cananeo.)

Genesis 22:3

Amay pa kan sunod na aldaw, nagputol na si Abraham nin kahoy para sa tinutong na atang, siniyahan an saiyang asno dangan nagduman sa lugar na sinabi saiya nin Dios, kaiba si Isaac asin duwang sorogoon.

Salmo 83:9

Giboha sainda an ginibo mo sa mga Midianita; ki Sisera asin ki Jabin duman sa salog nin Kison.

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Deuteronomio 11:30

An duwang bukid na ini yaon sa solnopan kan Jordan, sa daga kan mga Cananeo na nag-eerok sa kapantayan kan Jordan. An mga bukid na ini nasa parteng solnopan, harani sa sagradong mga kahoy nin More, kataed kan Gilgal.)

Josue 3:1

Sunod na aldaw, amay na nagbangon an mga Israelita. Naghale sinda sa Sittim asin nagpasiring sa Jordan. Nagkampo sinda digdi bago nagbalyo.

Josue 6:12

Amay na nagbangon si Josue kan sunod na aldaw asin sa ikaduwang beses naglibot sa syudad an mga padi saka an mga soldados arog kan ginibo ninda kan nakaaging aldaw. Nangenot an mga bantay na soldados, nagsunod an pitong padi na nagpapatanog kan pitong trompeta, dangan an mga padi na nagdadara kan Kaban nin Tipan nin Kagurangnan, asin kasunod an mga soldados na panghuri. Sa bilog na paglibot, padagos an pagtanog kan mga trompeta.

Hukom 6:32

Poon kaidto, namidbid si Gideon sa ngaran na Jerubaal, huli ta nagsabi si Joas, “Palabana daw si Baal, huli ta altar niya an ginaba.”

Hukom 6:33

Dangan nagtiripon an gabos na Midianita, Amalekita asin an mga tribung nag-eerok sa desyerto, nagbalyo sa Salog nin Jordan saka nagkampo sa Kapantayan nin Jezreel.

Hukom 6:40

Kan bangging idto, ginibo nin Dios an sinabi ni Gideon. Kaya pagkaaga, mamara an barahibo, alagad dumog an daga huli sa ambon.

Hukom 8:29

Nagpuli si Gideon sa sadiri niyang harong asin duman nag-erok.

1 Samuel 12:11

Ipinadara nin Kagurangnan si Gideon, si Barak, si Jefta, dangan ako. Ilinigtas mi kamo, asin namuhay kamo sa katoninongan.

1 Samuel 29:1

Tiniripon sa Afek kan mga Filisteo an gabos nindang hukbo, mantang an mga Israelita nagkampo sa may burabod nin Jezreel.