Hukom 6:6 - Marahay na Bareta Biblia

⁶ Mayo nin naginibo an mga Israelita laban sainda.

Hukom 6:6 ပူးပေါင်းရင်းမြစ်များ

Salmo 50:15

Apodon mo ako sa aldaw nin kasakitan; ililigtas taka asin oomawon mo ako.”

Salmo 78:34

Kan gadanon niya an nagkapira sainda, nagbalik saiya an mga natadang buhay; nagbakle asin tudok sa puso na namibi saiya.

Isaias 26:16

Pinadusahan mo an saimong banwaan, Kagurangnan, asin namibi sinda saimo sa kahorasaan.

Jeremias 5:17

Uuboson ninda an mga inani asin pagkakan nindo. Gagadanon ninda an saindong mga aki. Uuboson ninda an saindong mga karnero saka mga baka, dangan raraoton an saindong mga ubasan saka mga kahoy na higera. An mga pinapusog na syudad na sinasarigan nindo rurumpagon kan saindang mga soldados.

Oseas 5:15

“Papabayaan ko an sakong banwaan sagkod na magtios sinda kan maninigo para sa saindang kasalan asin hanapon ninda ako. Tibaad sa saindang pagtios, hingowahon nindang hanapon ako.”

Malakias 1:4

Kun magsabi an mga Edomita, an kapagarakian ni Esau, “Rinaot an samong mga banwa, alagad papatindogon mi giraray an mga iyan,” masimbag an Kagurangnan, “Pwede nindang patindogon an mga iyan alagad gagarabaon ko giraray iyan sagkod na apodon sinda kan mga tawo nin ‘An maraot na daga’ asin ‘An Nasyon na naanggotan nin Kagurangnan sagkod lamang.’”

Deuteronomio 28:43

“Orog na magluluya an kapangyarihan nindo, mantang orog na magkokosog an kapangyarihan kan mga dayuhan na nag-eerok sa kaibahan nindo.

Hukom 10:10

Dangan nag-agrangay an mga Israelita sa Kagurangnan asin nagsabi, “Nagkasala kami saimo huli ta nagtalikod kami saimo na samong Dios dangan nagsamba sa mga Baal.”

Hukom 3:15

Dangan nag-agrangay an mga Israelita sa Kagurangnan kaya nagsugo an Kagurangnan nin sarong lalaki na maligtas sainda. Siya si Ehud, sarong walahon na lalaki na aki ni Gera, na gikan sa tribu ni Benjamin. Sinugo si Ehud kan banwaan nin Israel pasiring ki Hadeng Eglon kan Moab dara an mga regalo para sa hade.

Hukom 3:9

Dangan nag-agrangay an mga Israelita sa Kagurangnan kaya nagsugo an Kagurangnan nin sarong lalaki na nagligtas sainda. Siya si Otniel na aking lalaki ni Kenaz na ngohod na tugang ni Caleb.

Hukom 4:3

Si Jabin igwa nin nuebe syentos na karwaheng gibo sa lansang, asin sa laog nin beynteng taon, pinasakitan niya saka inapi an mga Israelita, kaya nag-agrangay sinda sa Kagurangnan tanganing tabangan.

Hukom 6:7

Kaya nag-agrangay sa Kagurangnan an banwaan nin Israel tanganing tabangan tumang sa mga Midianita.