Hukom 6:3 - Marahay na Bareta Biblia

³ Kun minatanom an mga Israelita, minaabot sa pagsalakay sainda an mga Midianita kaiba an mga Amalekita sagkod an mga tribung nag-eerok sa desyerto.

Hukom 6:3 ပူးပေါင်းရင်းမြစ်များ

Genesis 25:6

alagad kan siya buhay pa, an mga aki niyang lalaki sa saiyang mga kasaroan tinawan niya nin mga regalo asin pinaerok sa daga na nasa sirangan, harayo sa aki niyang si Isaac.

Genesis 29:1

Nagpadagos sa paglakaw si Jacob asin nakaabot sa daga kan mga taga sirangan.

1 Mga Hade 20:27

Tiniripon man an mga Israelita asin tinawan nin mga armas sa pakilaban; nagluwas sinda asin nagkampo sa atubangan kan mga taga Siria. An mga Israelita garo sana duwang sadit na grupo nin mga kanding mantang napano kan mga taga Siria an daga.

1 Mga Hade 4:30

Kaya an saiyang kadonongan orog ki sa kadonongan kan gabos na taga sirangan asin kan bilog na Egipto.

1 Mga Hade 5:10

Kaya pinadarahan ni Hiram si Solomon kan gabos na kahoy na sedro asin sipres na kaipuhan niya.

An Libro ni Job 1:3

asin pitong ribong karnero, tolong ribong kamelyo, sangribong baka saka limang gatos na asno. Igwa man siya nin dakul na sorogoon; kaya siya an pinakamayaman na lalaki sa Sirangan.

An Libro ni Job 31:8

magkararaot logod an sakong mga inani o kakanon logod nin iba an bunga kan sakong tinanom.

Exodo 17:8

Nag-abot sa Refidim an mga Amalekita asin sinalakay an mga Israelita.

Isaias 11:14

Kundi magkaiba sindang masalakay sa mga Filisteo sa solnopan asin sasamsaman an mga banwaan sa sirangan. Sasakopon ninda an banwaan nin Edom saka Moab, asin kukuyogon sinda kan banwaan nin Ammon.

Isaias 62:8

An Kagurangnan naggibo nin banal na panuga, asin gigibohon niya iyan huli kan saiyang kapangyarihan: “An saimong inani dai na nanggad magigin pagkakan kan saimong mga kaiwal, asin an saimong arak dai na nanggad iinomon kan mga dayuhan.

Jeremias 49:28

Iyo ini an itinaram nin Kagurangnan manongod sa tribu nin Kedar saka sa mga distrito na kontrolado ni Hazor, na nasakop ni Hadeng Nebukadnezzar nin Babilonia: “Salakayon nindo an Kedar! Gadanon nindo an mga tawo na nag-eerok sa sirangan!

Ezekiel 25:3

Sabihan mo sinda na maghinanyog kan itinataram ko, an Kagurangnan Dios: Huli ta nag-ogma kamo kan mahiling nindong nadigtaan an sakong Templo, kan maraot an daga nin Israel, asin kan itinapok an banwaan nin Juda,

Ezekiel 25:4

kaya itatao ko kamo sa mga taga sirangan tanganing bihagon. Mabugtak sinda nin mga kampo saka mga harong sa tahaw nindo. Kakakanon ninda an bunga saka iinomon an gatas na kutana para saindo.

Levitico 26:16

papadusahan ko kamo. Papadarahan ko kamo nin kasakitan—mga helang na dai nararahay asin kalentura na mabuta saindo saka magpapahalipot kan saindong buhay. Magtatanom kamo, alagad dai iyan makakatabang saindo huli ta an saindong mga kaiwal iyo an makakan kan bunga kaiyan.

Mikas 6:15

Magtatanom ka, alagad dai ka mag-aani. Magpupuga ka nin mga oliba tanganing makakua nin lana, alagad dai mo man iyan magagamit. Magibo ka nin arak, alagad dai mo man iyan maiinom.

Deuteronomio 28:51

Kakakanon ninda an saindong mga hayop asin an mga bunga kan saindong daga sagkod na magadan kamo sa gutom. Dai kamo ninda tatadaan nin ani, arak, lana, baka o karnero; magagadan kamo gabos.

Hukom 10:12

mga taga Sidon, mga Amalekita, asin mga Maonita, dangan nag-agrangay kamo sako. Bakong ilinigtas ko kamo sainda?

Hukom 3:13

Nakisumaro si Eglon sa mga Ammonita asin sa mga Amalekita; sinalakay ninda dangan dinaog an Israel. Sinakop ninda an Jerico, an syudad nin mga palma.

Hukom 6:2

Mas makosog an mga Midianita ki sa mga Israelita, kaya nagtarago sinda sa mga lungib asin sa ibang ligtas na lugar sa kabubuldan.

Hukom 6:33

Dangan nagtiripon an gabos na Midianita, Amalekita asin an mga tribung nag-eerok sa desyerto, nagbalyo sa Salog nin Jordan saka nagkampo sa Kapantayan nin Jezreel.

Hukom 6:4

Minakampo sinda sa kaomahan asin rinaraot an mga tinanom, sagkod sa lugar na nasa palibot kan Gaza. Kinukua ninda an gabos na karnero, baka, saka asno; mayo sindang itinatadang pagkakan para sa mga Israelita.

Hukom 7:12

An mga Midianita, mga Amalekita asin an mga tribung nag-eerok sa desyerto wararak sa kapantayan arog sa kadakul na doron; dai mabilang an saindang mga kamelyo, na siring kadakul kan mga baybay sa tampi kan dagat.

Hukom 8:10

Nasa Karkor na kaidto si Zeba asin si Zalmunna kaiba an saindang hukbo. Sa bilog na hukbo kan mga nag-eerok sa desyerto, igwa na sanang natatadang kinse mil na mga lalaki; syento beynte mil na an nagadan sa sainda.