Hukom 6:25 - Marahay na Bareta Biblia

²⁵ Kan bangging idto, tinaraman nin Kagurangnan si Gideon, “Kuahon mo an toro kan saimong ama asin saro pang toro na pitong taon an edad dangan gabaon mo an altar na ginibo kan saimong ama para ki Baal asin palodon mo man an simbolo kan diosang si Asera na nasa kataed kaiyan.

Hukom 6:25 ပူးပေါင်းရင်းမြစ်များ

Genesis 35:2

Kaya sinabihan ni Jacob an saiyang pamilya asin an gabos na kaibahan niya, “Itapok nindo an mga dayuhan na dios na yaon saindo; maglinig kamo kan saindong sadiri asin magsangle kamo kan saindong gubing,

1 Mga Hade 18:21

Nagpaenotan si Elias asin nagsabi sa mga tawo, “Sagkod nuarin kamo magkakaigwa nin duwang pag-isip? Kun an Kagurangnan iyo an Dios, siya an sambahon nindo; alagad kun si Baal an Dios, siya an sambahon nindo!” Dai nagsimbag saiya an mga tawo.

An Libro ni Job 22:23

Kaipuhan na magbalik ka sa Dios sa kapakumbabaan asin ontokon mo an gabos na karatan na ginigibo sa saimong harong.

Salmo 101:2

Ako malakaw sa dalan nin kabanalan. Nuarin ka madalaw sakuya? Sa sakuyang harong mamumuhay ako na malinig an puso,

Exodo 34:13

Gabaon nindo an saindang mga altar, rumpagon an saindang mga sagradong harigi asin palodon an mga simbolo kan saindang diosang si Asera.

Mateo 10:37

“An namomoot sa saiyang ama o ina orog pa sako, bakong maninigo na magin disipulo ko. An namomoot sa saiyang aking lalaki o babae orog pa sako, bakong maninigo na magin disipulo ko.

Mateo 6:24

“Mayong makakapaglingkod sa duwang kagurangnan, huli ta ikakaongis niya an saro asin mamomotan an saro; magigin maimbod siya sa saro asin pag-oolog-ologon an saro. Dai kamo makakapaglingkod sa Dios asin sa kayamanan.

Mga Gibo 4:19

Alagad sinimbag sinda ni Pedro saka ni Juan, “Kamo an maghukom kun arin an tama sa atubang nin Dios: an pagkuyog saindo o an pagkuyog sa Dios?

Mga Gibo 5:29

Nagsimbag si Pedro saka an mga apostol, “Kaipuhan kuyogon mi an Dios, bakong an tawo.

Deuteronomio 7:5

Kaya gabaon nindo an saindang mga altar, rumpagon an saindang mga hariging gapo, palodon an saindang mga simbolo kan saindang diosa na si Asera asin suloon nindo an gabos nindang ladawan.

Hukom 2:11

Dangan nagkasala sa Kagurangnan an banwaan nin Israel asin nagpoon sindang magsamba sa mga Baal.

Hukom 3:7

Nalingawan nin Israel an Kagurangnan na saindang Dios; nagkasala sinda saiya asin nagsamba sa mga Baal sagkod sa mga Asera.

Hukom 6:26

Pakatapos, magtugdok ka sa kagapoan na ini nin sarong matibay na altar para sa Kagurangnan na saimong Dios. Dangan tutongon mong bilog an ikaduwang toro bilang atang. An simbolo ni Asera na saimong pinalod iyo an gamiton mong igatong.”