Hukom 6:2 - Marahay na Bareta Biblia

² Mas makosog an mga Midianita ki sa mga Israelita, kaya nagtarago sinda sa mga lungib asin sa ibang ligtas na lugar sa kabubuldan.

Hukom 6:2 ပူးပေါင်းရင်းမြစ်များ

An Libro ni Job 30:6

Kaipuhan na mag-erok sinda sa mga lungib sa mga labot na kinalot sa mga tampi nin mga ampas.

Jeremias 41:9

An bubon na tinapokan ni Ismael kan mga bangkay kan mga lalaking ginadan niya, iyo an dakulang bubon na ipinakalot ni Hadeng Asa kan sinasalakay ini ni Baasa na hade nin Israel. An bubon pinano ni Ismael kan mga bangkay.

Jeremias 48:28

“Kamong mga nag-eerok sa Moab, magharale kamo sa saindong mga banwa! Lakaw saka mag-erok kamo sa kagapoan! Arogon nindo an mga salampati na naggigibo nin salagan sa mga gilid kan ampas.

Levitico 26:17

Lalabanan ko kamo, kaya madadaog kamo, asin an mga anggot saindo iyo an mahade saindo; madulag kamo maski mayo nin naglalamag saindo.

Hebreyo 11:38

An kinaban bakong maninigo para sainda. Siring sa mga dayuhan, nakalakop sinda sa mga desyerto sagkod sa kabubuldan. Nag-erok sinda sa mga lungib asin sa mga kalot.

Kapahayagan 6:15

Dangan an mga hade sa kinaban, an mga darakulang tawo, an mga opisyal kan hukbo, an mga mayaman saka mga mapangyari asin an gabos na iba pang mga tawo, oripon o bako, nagtago sa mga lungib asin sa mga darakulang gapo nin kabukidan.

Hukom 10:8

Sa laog nin dyes y otsong taon, pinasakitan ninda asin inapi an mga Israelita na nag-erok sa daga kan mga Amoreo na nasa sirangan kan Salog nin Jordan duman sa Gilead.

Hukom 10:9

Nagbalyo pa sa Jordan an mga Ammonita tanganing labanan an mga tribu ni Juda, Benjamin, sagkod Efraim. Huli kaini, nagtios nin makuri an bilog na Israel.

Hukom 6:3

Kun minatanom an mga Israelita, minaabot sa pagsalakay sainda an mga Midianita kaiba an mga Amalekita sagkod an mga tribung nag-eerok sa desyerto.

1 Samuel 13:6

Dangan sarong makosog na salakay an saindang ginibo laban sa mga Israelita. Naparaot an kamugtakan kan mga Israelita sa ralaban na idto, kaya an iba sainda nagtarago sa mga lungib asin mga kalot, sa kagapoan, sa mga lulubngan asin mga bubon;

1 Samuel 14:11

Kaya nagpahiling sinda sa mga Filisteo asin nagsarabi an mga ini, “Hilinga! Nagruluwas sa saindang mga pinagtatagoan na lungib an nagkapirang mga Hebreyo!”