Hukom 6:18 - Marahay na Bareta Biblia

¹⁸ Dai ka tabi maghale sagkod na madarahan taka nin pagkakan.” “Dai ako mahale sagkod na bumalik ka,” an simbag nin Kagurangnan.

Hukom 6:18 ပူးပေါင်းရင်းမြစ်များ

Genesis 18:3

dangan nagsabi, “Mga kagurangnan ko, kun nawilihan nindo ako, maghapit ngona kamo sa sakong harong; andam ako sa paglingkod saindo.

Genesis 18:5

Dadarahan ko kamo nin dikit na kakanon tanganing magbalik an saindong kosog. Pakatapos kaiyan pwede na kamong magpadagos sa saindong paglakaw. Inonra nindo ako sa paghapit sa sakong harong, kaya tugoteng paglingkodan ko kamo.” “Ika an bahala,” an simbag ninda.

Genesis 19:3

Alagad pinirit sinda ni Lot kaya uminiba na sana sinda saiya asin nagdagos sa saiyang harong. Pinagbotan ni Lot an saiyang oripon na magluto nin tinapay asin mag-andam nin pagkakan para sa mga bisita. Kan andam na, nagkarakan sinda.

Hukom 13:15

Dai naisihan ni Manoa na iyo idto an anghel nin Kagurangnan, kaya sinabihan niya, “Dai ka ngona maghale. Maluto kami nin ogbon pang kanding para saimo.” Alagad nagsimbag an anghel, “Kun pugolon nindo ako, dai ko man kakakanon an saindong pagkakan; alagad kun maandam kamo, tutongon na sana nindo bilang dolot sa Kagurangnan.

Hukom 6:17

Nagsimbag si Gideon, “Kun talagang nawiwilihan mo ako, pahilingan mo ako nin tanda na ika mananggad an Kagurangnan.

Hukom 6:19

Kaya nagpuli si Gideon sa saiyang harong asin nagluto nin sarong ogbon pang kanding. Nagkua siya nin sampolong kilong arina asin ginibo niyang tinapay na mayong lebadura. Pakatapos, ilinaog niya sa basket an linutong karne asin ibinugtak an sabaw sa koron dangan dinara idto sa anghel nin Kagurangnan na naghahalat sa poon kan kahoy na hamurawon, saka itinao idto.