Hukom 6:15 - Marahay na Bareta Biblia

¹⁵ Nagsimbag si Gideon, “Paano ko ikakaligtas an Israel? An sakong kamaganakan iyo an pinakamaluya sa tribu ni Manases asin ako an pinakamaluya sa sakong pamilya.”

Hukom 6:15 ပူးပေါင်းရင်းမြစ်များ

Genesis 32:10

Bako akong maninigo kan danay mong pagkamoot asin kan pagkamaimbod na ipinahiling mo sako, na saimong oripon. Binalyo ko an Jordan na sugkod sana an dara alagad ngunyan nagbalik ako na may kaiba nang duwang grupo.

Exodo 3:11

Alagad nagsimbag si Moises sa Dios, “Siisay man ako na maduman sa hade nin Egipto tanganing iluwas sa saiyang nasyon an mga Israelita?”

Exodo 4:10

Alagad nagsabi si Moises, “Hare ako pagsugoa, Kagurangnan. Maluya asin kamol akong magtaram. Dati akong maluyang magtaram poon kaidto sagkod ngunyan na makipag-olay ka sako.”

Jeremias 1:6

Nagsimbag ako, “Kagurangnan Dios, dai ako tataong magtaram; aki pa ako!”

Jeremias 50:45

Kaya hinanyoga an plano ko laban sa syudad nin Babilon asin an boot kong gibohon sa namamanwaan kaiyan. Maski an mga saradit nindang aki kukuahon, asin magkakatirikbahan an lambang saro.

Mikas 5:2

Nagsasabi an Kagurangnan, “Betlehem Efrata, ika an pinakasadit na banwa sa Juda, alagad hale sa saimo maluwas para sa sako an saro na iyo an magigin lider nin Israel, na an ginikanan masososog pa sa mga suanoy na panahon.”

Lukas 1:34

“Paanong mangyari ini ta ako sarong birhen?” an hapot ni Maria.

1 Corinto 15:9

Huli ta ako an pinakasadit sa gabos na apostol—dai ngani ako maninigong apodon apostol, huli ta pinasakitan ko an simbahan nin Dios.

Efeso 3:8

Ako an pinakamenos sa gabos na mga banal. Alagad itinao sako an biyaya nin paghulit kan Marahay na Bareta sa mga pagano dapit sa daing sukol na kayamanan ni Cristo,

Hukom 6:11

Dangan uminabot sa Ofra an anghel nin Kagurangnan asin tuminukaw sa lindong kan sarong kahoy na hamurawon na sadiri ni Joas, saro sa mga kamaganakan ni Abiezer. An saiyang aking lalaki na si Gideon hilom na naggiginik nin trigo duman sa pugaan nin ubas tanganing dai siya mahiling kan mga Midianita.

1 Samuel 18:23

Kaya isinabi ninda ini ki David. Nagsimbag si David, “Sarong dakulang onra an magin manugang kan hade, dakulang marahay para sa sarong arog sakong dukha asin mayong halaga.”

1 Samuel 9:21

Nagsimbag si Saul, “Tadaw ta siring an pinagsasabi mo sako? Gikan ako sa pinakasadit na tribu nin Israel, sa tribu ni Benjamin, asin an sakong pamilya iyo an pinakamenos sa gabos na tribu.”