Hukom 6:13 - Marahay na Bareta Biblia

¹³ Nagsabi si Gideon, “Kun pwedeng maghapot, kagurangnan, tano ta nangyayari sa samo an gabos na ini kun totoong yaon an Kagurangnan sa samo? Ano na an nangyari sa makangalas na mga bagay na inosip samo kan samong mga magurang manongod sa mga ginibo nin Kagurangnan—kun paano niya sinda ilinigtas sa Egipto? Ngunyan pinabayaan na kami nin Kagurangnan asin itinao sa kamot kan mga Midianita.”

Hukom 6:13 ပူးပေါင်းရင်းမြစ်များ

Genesis 25:22

Kambal an ipinagbabados ni Rebecca asin naggugumulan an mga ini sa saiyang tulak. Nagsabi si Rebecca, “Tano ta nangyayari sako an siring kaini?” Kaya naglakaw siya tanganing hapoton an Kagurangnan.

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

Salmo 27:9

Dai ka magtago sako!” Dai ka maanggot sako; hare pagsubolan an saimong sorogoon. Ika an sakong nagin tabang; hare ako pagpabayae o pagsikwalan. O Dios nin sakong kaligtasan!

Salmo 44:1

O Dios, nadangog mi kan samong mga talinga— sinabi samo kan samong mga ginikanan, an mga ginibo mo kan panahon ninda, kan mga aldaw na haloy nang nakaagi:

Salmo 44:2

kun paano mo pinahale an mga nasyon, asin pinatindog sa daga ninda an saimong banwaan; an ibang mga nasyon saimong pinadusahan, alagad an sadiri mo tinawan nin katalingkasan.

Salmo 44:9

Alagad ngunyan, kami isinikwal mo asin pinabayaan na madaog; an samong mga hukbo dai mo na iniibahan.

Salmo 89:49

Kagurangnan, haen na an danay mong pagkamoot kaidto, na isinumpa mo ki David sa saimong pagkamaimbod?

Isaias 41:17

“Kun an sakong banwaan maghanap nin tubig dangan mayong makua, kun magmara an saindang halonan sa paha, ako, an Kagurangnan, an masimbag sainda; ako, an Dios nin Israel, dai nanggad mapabaya sainda.

Isaias 63:11

Alagad nagiromdoman ninda an nakaaging panahon, an panahon ni Moises, an sorogoon nin Kagurangnan, asin naghapot sinda, “Haen na ngunyan an Kagurangnan, na nagligtas kan mga lider nin saiyang banwaan kan nag-agi sinda sa dagat? Haen na an Kagurangnan, na nagtao kan saiyang espiritu ki Moises?

Isaias 63:15

Kagurangnan, dungawa kami hale sa langit, saen nag-eerok ka sa saimong kabanalan asin kamurawayan. Haen an saimong dakulang pagmakulog sa samo? Haen an saimong kapangyarihan? Haen an saimong pagkamoot asin pagkaherak? Hare kami pagpabayae.

Jeremias 23:33

Tinaraman ako nin Kagurangnan, “Jeremias, kun saro sa sakong banwaan o sarong propeta, o sarong padi an maghapot saimo, ‘Ano an mensahe nin Kagurangnan?’ Sabihan mo siya, ‘Saro kang pasanon nin Kagurangnan, asin isisikwal ka niya.’

Roma 8:31

Ano pa an masasabi ta dapit kaini? Kun an Dios kaapil ta, siisay an makakalaban sato?

Deuteronomio 29:24

Dangan mahapot an bilog na kinaban, ‘Tano ta ginibo ini nin Kagurangnan sa saindang daga? Ano an dahelan kan saiyang dakulang kaanggotan?’

Deuteronomio 31:17

Sa aldaw na iyan maaanggot ako sainda; papabayaan ko sinda asin magagadan sinda. Dakul na karatan saka kahaditan an maabot sainda, asin masasabotan ninda na an gabos na iyan nangyayari sainda huli ta ako, an saindang Dios, mayo na sa kaibahan ninda.

Hukom 6:1

Nagkasala na naman sa Kagurangnan an banwaan nin Israel, kaya ipinasakop niya sinda sa mga Midianita sa laog nin pitong taon.

Hukom 6:12

Nagpahiling saiya an anghel nin Kagurangnan asin nagsabi, “Yaon saimo an Kagurangnan, maisog asin makosog na lalaki!”