Hukom 6:10 - Marahay na Bareta Biblia

¹⁰ Tinaraman ko kamo na ako an Kagurangnan na saindong Dios, asin na dai kamo magsamba sa mga dios-dios kan mga Amoreo na dating kagsadiri kan dagang pinag-eerokan nindo ngunyan. Alagad dai kamo nagdangog sako.”

Hukom 6:10 ပူးပေါင်းရင်းမြစ်များ

2 Mga Hade 17:13

An Kagurangnan nagpadara nin mga sugo saka mga propeta tanganing patanidan an Israel asin an Juda: “Talikodan na nindo an saindong mga maraot na gawe. Kuyogon nindo an sakong mga pagboot na nasusurat sa Katogonan na itinao ko sa saindong mga ginikanan, dangan itinao ko man saindo sa paagi kan mga propeta na sakong mga sorogoon.”

2 Mga Hade 17:33

Kaya sinamba ninda an Kagurangnan alagad sinamba man ninda an sadiri nindang mga dios sosog sa mga gawe kan mga nasyon na hinalean ninda.

2 Mga Hade 17:7

Nangyari ini sa Samaria huli ta an mga Israelita nagkasala sa Kagurangnan na saindang Dios, na nagligtas sainda sa hade nin Egipto asin nagdara sainda sa luwas kan Egipto. Nagsamba sinda sa mga dios-dios,

Nehemias 9:29

Pinatanidan mo sinda na magkuyog kan saimong mga katukdoan, alagad sa kapaabaw-abawan isinikwal ninda an saimong mga katogonan, maski ngani an pag-otob kaiyan iyo an dalan pasiring sa buhay. Sutil saka matagas an payo na nagsayuma sindang magkuyog.

Exodo 34:12

Dai nanggad kamo makipagtipan sa mga nag-eerok sa dagang dudumanan nindo huli ta iyan an magigin siod nindo.

Exodo 34:14

“Dai kamo magsamba sa ibang dios, huli ta ako an Kagurangnan, na an ngaran Maimon, sarong maimon na Dios.

Mga Talinhaga 5:13

Dai ko dinangog an tingog kan sakong mga paratukdo, ni tinawan nin halaga an saindang katukdoan.

Jeremias 10:2

Nagsabi siya, “Dai nindo pag-arogon an gibo kan ibang mga nasyon; dai kamo matakot sa mga tanda na nahihiling sa kalangitan, maski natatakot kaiyan an ibang mga nasyon.

Jeremias 17:23

An saindang mga ginikanan dai naghinanyog sako ni nagkuyog. Nagin matagas an saindang payo; habo nindang magdangog o magpatukdo sako.

Jeremias 3:13

Akoon mo sana na nagkasala ka asin nagrebelde tumang sa Kagurangnan, na saimong Dios. Ikumpisal mo na sa lindong nin lambang berdeng kahoy, itinao mo an saimong pagkamoot sa dayuhan na mga dios-dios asin dai ka nagkuyog kan sakong mga pagboot. Ako, an Kagurangnan, an nagtaram.

Jeremias 3:25

Dapat kaming pahigdaon sa kasosopgan, asin tahoban nin disonra. Kami asin an samong mga ginikanan danay na nagkasala sa Kagurangnan na samuyang Dios; dai mi nanggad kinuyog an saiyang mga pagboot.”

Jeremias 42:21

Ipinahayag ko ini saindo ngunyan, alagad dai nindo kinukuyog an lambang itinaram ko na hale sa Kagurangnan na satong Dios.

Jeremias 43:4

Si Johanan, an gabos na opisyal kan hukbo, asin an gabos na tawo dai nagkuyog sa pagboot nin Kagurangnan na magdanay sa daga nin Juda.

Jeremias 43:7

Dai ninda kinuyog an pagboot nin Kagurangnan asin nagduman sa Egipto sagkod sa syudad nin Tafanhes.

Jeremias 9:13

Nagsimbag an Kagurangnan, “Nangyari ini huli ta tinalikodan kan sakong banwaan an katukdoan na itinao ko sainda. Dai sinda nagkuyog sako ni naggibo kan itinaram ko sainda.

Sofonias 3:2

Dai iyan nagdangog sa Kagurangnan ni nag-ako kan saiyang pagdidisiplina. Dai siya nagsarig sa Kagurangnan ni naghagad saiya nin tabang.

Roma 10:16

Alagad bakong gabos na tawo minaako kan Marahay na Bareta. Si Isaias nagsabi, “Kagurangnan, siisay an nagtubod kan samong bareta?”

Hebreyo 5:9

Kan maotob na niya ini, siya nagin burabod nin kaligtasan na daing kataposan para sa gabos na nagkukuyog saiya.

Josue 24:15

Kun habo nindong maglingkod saiya, magpili kamo ngunyan kun siisay an saindong paglilingkodan, an mga dios-dios na dating sinasamba kan saindong mga ginikanan sa Mesopotamia o an mga dios-dios kan mga Amoreo, na an saindang daga iyo an saindong pinag-eerokan ngunyan. Alagad para sako asin para sa sakong pamilya, an Kagurangnan an samong paglilingkodan.”

Hukom 2:2

Dai kamo makipagtipan sa mga tawong nag-eerok sa dagang ini. Gabaon nindo an saindang mga altar.’ Alagad ano ining ginibo nindo? Dai nindo kinuyog an sakong pagboot!

Hukom 6:9

ilinigtas ko kamo sa mga Egipcio asin sa mga tawong nakilaban saindo sa dagang ini. Pinaharale ko sinda sa pagdangadang nindo, asin itinao ko saindo an saindang daga.