Hukom 5:31 - Marahay na Bareta Biblia

³¹ Magkagaradan logod, sa siring na paagi an gabos mong kaiwal, O Kagurangnan, alagad magliwanag logod an saimong mga katood siring sa minasirang na aldaw! Dangan nagkaigwa nin katoninongan sa daga sa laog nin kwarentang taon.

Hukom 5:31 ပူးပေါင်းရင်းမြစ်များ

2 Samuel 18:31

Dangan nag-abot an oripon na taga Sudan asin nagsabi sa hade, “Dara ko an marahay na bareta para sa mahal na hade! Pinapanggana ka ngunyan na aldaw nin Kagurangnan laban sa gabos na nagrebelde saimo!”

2 Samuel 18:32

“Marahay daw an kamugtakan kan hoben na si Absalom?” an hapot kan hade. Nagsimbag an oripon, “Nagmamawot akong mangyari logod sa gabos mong kaiwal asin sa gabos na magrebelde saimo an nangyari ki Absalom.”

2 Samuel 23:4

nagbabanaag siring sa liwanag nin kaagahon, siring sa aldaw na nagliliwanag sa sarong mayong dampog na kaagahon, siring sa uran na nakakapatalubo kan doot sa daga.”

Salmo 19:6

Minasirang an aldaw sa sarong poro kan kalangitan, dangan minasolnop sa ibong na poro. Mayo nin makakatago sa saiyang init.

Salmo 20:8

Luluyahon sinda asin matutumba, alagad mabangon kami asin pusog na matindog.

Salmo 37:6

Papaliwanagon niya an saimong katanosan arog kan liwanag sa kaodtohan nin aldaw.

Salmo 89:36

An saiyang kapagarakian nin mga hade magdadanay sagkod lamang; babantayan ko an saiyang kahadean sagkod na nagliliwanag an aldaw.

Salmo 89:37

Magdadanay iyan sagkod pa man siring kan bulan, an maimbod na saksi sa kalangitan.”

Salmo 91:14

“Ililigtas ko siya, huli ta ako saiyang namomotan,” olay nin Kagurangnan. “Aatamanon ko siya, huli ta aram niya an sakong ngaran.

Salmo 92:10

Pinakosog mo ako siring kan lalaw na toro; benendisyonan mo ako nin kaogmahan.

Salmo 92:9

Naaaraman nyamo na magagadan an saimong mga kaiwal, asin madadaog an gabos na maraot.

Salmo 97:10

Namomotan nin Kagurangnan an naoongis sa karatan; inaataman niya an buhay kan saiyang mga banal; iliniligtas niya sinda sa kamot kan mga tampalasan.

Salmo 97:8

Naghihimate an banwaan nin Sion asin naoogma; naoogma an mga aking babae ni Juda huli kan saimong mga paghukom, O Dios.

Exodo 20:6

Alagad ipinapahiling ko an danay kong pagkamoot sa rinibong henerasyon kan mga namomoot sako asin nag-ootob kan sakong mga togon.

Mga Talinhaga 4:18

Alagad an dalan kan matanos arog kan liwanag nin kaagahon, na minaorog mantang nag-iitaas an aldaw.

Daniel 12:3

An mga madonong na lider magliliwanag siring sa panganoron, asin an mga nagtukdo sa mga tawo na maggibo kan tama magliliwanag sagkod lamang siring sa mga bitoon.”

Oseas 6:3

Hingowahon tang mamidbidan an Kagurangnan. Madolok nanggad siya sato siring na an bagong aldaw minasirang, siring na an uran minabaribi kan daga.”

Mateo 13:43

Dangan magliliwanag siring sa aldaw an mga matanos sa Kahadean kan saindang Ama. An may talinga, magdangog!

Roma 8:28

Aram ta na sa gabos na bagay an Dios naggigibo para sa karahayan kan mga namomoot saiya—an mga inaapod niya sosog sa saiyang katuyohan.

1 Corinto 8:3

Alagad an tawong namomoot sa Dios midbid nin Dios.

Efeso 6:24

An biyaya nin Dios mapasagabos logod na namomoot ki Jesu-Cristo na satong Kagurangnan nin mayong kataposan na pagkamoot.

Deuteronomio 6:5

Kamotan nindo an Kagurangnan na saindong Dios sa bilog nindong puso, sa bilog nindong kalag, asin sa bilog nindong kosog.

Deuteronomio 7:9

Giromdoma na an Kagurangnan na saindong Dios iyo sana an Dios asin maimbod siya. Ootobon niya an saiyang tipan asin ipapahiling niya an saiyang danay na pagkamoot sa ribo-ribong henerasyon kan mga namomoot saiya saka nag-ootob kan saiyang mga togon,

Santiago 1:12

Paladan an tawong nagdadanay na maimbod sa panahon nin mga pagbalo, huli ta kun matagalan niya iyan, maako siya kan korona nin buhay na ipinanuga nin Dios sa mga namomoot saiya.

Santiago 2:5

Paghinanyog kamo, mga namomotan kong tugang! Pinili nin Dios an mga dukha kaining kinaban na magin mayaman sa pagtubod saka paramana kan kahadean na ipinanuga niya sa mga namomoot saiya.

1 Pedro 1:8

Namomotan nindo siya, maski dai nindo siya nahiling; nagtutubod kamo saiya, maski dai pa nindo siya nahihiling ngunyan; kaya dakula asin dai masabi an saindong kaogmahan,

Kapahayagan 1:16

May kapot siyang pitong bitoon sa too niyang kamot, dangan sa saiyang ngoso may nagluwas na sarong espadang doble an tarom. An saiyang lalawogon nagkikintab arog kan liwanag nin aldaw kun odto.

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!

Kapahayagan 6:10

Nagkurahaw sinda, “Mapangyaring Kagurangnan, banal asin totoo! Nuarin mo huhukoman asin papadusahan an mga tawong guminadan samo?”

Hukom 3:11

Pakatapos kaini, nagkaigwa nin katoninongan an daga sa laog nin kwarentang taon, dangan nagadan si Otniel.

Hukom 3:30

Kan aldaw na idto, dinaog kan mga Israelita an Moab, asin nagkaigwa nin katoninongan sa daga sa laog nin otsentang taon.