Hukom 5:23 - Marahay na Bareta Biblia

²³ “Maldisyonon an Meroz,” an olay kan anghel nin Kagurangnan, “maldisyonon an gabos na nag-eerok duman. Dai sinda nag-abot sa pagtabang sa Kagurangnan, sa pagtabang sa Kagurangnan laban sa mapangyari.”

Hukom 5:23 ပူးပေါင်းရင်းမြစ်များ

Nehemias 3:5

An naghirahay kan sunod na kabtang iyo an mga lalaking taga Tekoa, alagad an mga lider kan banwang ini nagsayumang maggibo kan trabahong itinao sainda kan mga parapamahala.

Salmo 94:16

Siisay an nagtindog para sako tumang sa mga tampalasan? Siisay an nag-apil sako tumang sa mga paragibo nin karatan?

Jeremias 48:10

Maldisyonon an tawong pabaya sa pagsunod sa trabaho nin Kagurangnan! Maldisyonon an tawong dai naninigbas saka dai nanggagadan!)

Mateo 25:41

“Dangan masabi siya sa mga tawong nasa wala niya, ‘Humarayo kamo sako, mga minaldisyon! Dumuman kamo sa daing kataposan na kalayo na inandam para sa Diablo asin sa saiyang mga anghel!

Roma 15:18

Huli ta dai ako mangangahas na magtaram nin anoman, pwera kan ginibo ni Cristo huli sako, tanganing madara kong magkuyog an mga pagano sa Dios sa paagi nin mga tataramon, mga gibo,

1 Corinto 16:22

An siisay man na dai namomoot sa Kagurangnan, maldisyonon man logod! Maranatha—madya, samong Kagurangnan!

1 Corinto 3:9

Pareho kaming mga trabahador nin Dios; kamo iyo an saiyang oma. Kamo man an edipisyo nin Dios.

2 Corinto 6:1

Kaya bilang mga kaiba sa paglingkod sa Dios, nakikimaherak kami saindo, na mga nag-ako kan biyaya nin Dios na dai nindo iyan pagsayangon.

Hukom 13:3

Nagpahiling sa babae an anghel nin Kagurangnan asin nagsabi, “Sagkod ngunyan dai ka pa nag-aaki, alagad magbabados ka asin mangangaki nin lalaki.

Hukom 2:1

Hale sa Gilgal, an anghel nin Kagurangnan nagduman sa Bokhim asin nagsabi sa mga Israelita, “Ilinuwas ko kamo hale sa Egipto asin dinara sa dagang ipinanuga ko sa saindong mga ginikanan. Nagtaram ako kaidto: ‘Dai ko tatalikodan an sakong tipan sa saindo.

Hukom 21:5

Pakatapos, naghinarapotan sinda, “Arin sa mga tribu nin Israel an dai nagduman sa Mizpa sa pagtiripon para sa Kagurangnan?” (Huli ta nagsumpa sinda na gagadanon an siisay man na dai nagduman sa Mizpa.)

Hukom 21:8

Kan maghapot sinda kun igwang mga grupo sa mga tribu nin Israel na dai nagduman sa pagtiripon sa Mizpa, naaraman ninda na mayong nagduman hale sa Jabes sa Gilead,

Hukom 4:6

Sarong aldaw, ipinaapod niya si Barak, na aking lalaki ni Abinoam kan syudad nin Kedes sa daga nin Neftali. Sinabihan niya si Barak, “Ini an pagboot saimo nin Kagurangnan: ‘Hale sa mga tribu ni Neftali asin ni Zabulon, kumua ka nin dyes mil na kalalakihan dangan pangenotan mo sinda pasiring sa Bukid nin Tabor.

Hukom 5:13

Dangan nagrulugsot an mga natadang maimbod; nagdolok an banwaan nin Kagurangnan sa saiya, andam sa pakilaban.

Hukom 6:11

Dangan uminabot sa Ofra an anghel nin Kagurangnan asin tuminukaw sa lindong kan sarong kahoy na hamurawon na sadiri ni Joas, saro sa mga kamaganakan ni Abiezer. An saiyang aking lalaki na si Gideon hilom na naggiginik nin trigo duman sa pugaan nin ubas tanganing dai siya mahiling kan mga Midianita.

Hukom 8:5

Pag-abot ninda sa Sukkot, sinabihan ni Gideon an kalalakihan sa banwa na idto, “Tawe man nindo nin pagkakan an sakong mga tawohan huli ta nanluluya na sinda, asin pinaglalamag ko an duwang hade kan Midian na si Zeba saka si Zalmunna.”

Hukom 8:6

Alagad nagsimbag sainda an mga namamayo kan Sukkot, “Tano ta pagtawan mi nin pagkakan an saimong hukbo? Dai pa ngani nindo nadadakop si Zeba saka si Zalmunna.”

Hukom 8:8

Nagpadagos sa paglakaw si Gideon sagkod na makaabot siya sa Penuel, asin naghagad man siya digdi nin pagkakan para sa saiyang mga tawohan; alagad an nagin simbag kan kalalakihan duman, arog man kan simbag sainda kan mga taga Sukkot.

1 Samuel 17:47

Mahihiling kan gabos na uya digdi na nagliligtas an Kagurangnan bako sa paagi nin espada o garod. Mapanggana siya sa gera, asin ibubugtak niya kamo gabos sa samong mga kamot.”

1 Samuel 18:17

Dangan nagsabi si Saul ki David, “Uya an matua kong aking babae na si Merab. Itatao ko siya saimo bilang agom bastang paglingkodan mo ako bilang sarong maisog asin maimbod na soldados, saka ipaglalaban mo an mga gera nin Kagurangnan.” (Nagsaboot si Saul na sa paaging ini, magagadan si David sa kamot kan mga Filisteo, asin dai na niya kaipuhan na gibohon pa iyan.)

1 Samuel 25:28

Patawadon mo ako kan ano man na kasalan na naginibo ko. Gigibohon kang hade nin Kagurangnan, asin an saimong mga kapagarakian, huli ta nakikilaban ka kan saiyang mga gera; mayong makukuang karatan saimo mantang buhay ka.

1 Samuel 26:19

Mahal na Hade, dangoga an sasabihon ko. Kun an Kagurangnan an nagpasabong saimo na labanan ako, pwedeng magbago an saiyang isip huli sa sarong dolot. Alagad kun mga tawo an kaggibo kaiyan, mapasainda logod an maldisyon nin Kagurangnan, huli ta pinahale ninda ako sa daga nin Kagurangnan asin pinaduman sa sarong daga saen mga dayuhan na dios an pwede ko sanang sambahon.