Hukom 5:22 - Marahay na Bareta Biblia

²² Dangan nag-abot an mga kabayong nagdadalagan; an umpag kan saindang mga bitis minatanyog kan kadagaan.

Hukom 5:22 ပူးပေါင်းရင်းမြစ်များ

An Libro ni Job 39:19

“Job, ika daw an nagtao nin kosog sa kabayo? Ika daw an nagtao nin haralabang buhok sa saiyang liog?

Salmo 20:7

May nagsasarig sa mga karwahe; may nagsasarig sa mga kabayo; alagad nagsasarig kami sa ngaran nin Kagurangnan na samong Dios.

Salmo 33:17

An mga kabayong panggera dai malalaoman tanganing manggana; dai makakatabang sa pagligtas an kosog ninda.

Isaias 5:28

Matarom an saindang mga bosog, asin andam na an saindang mga pana. Garo matagas na gapo an mga kuku kan saindang mga kabayo, asin an mga rweda kan saindang mga karwahe magigin garo aripuros.

Jeremias 47:3

Madadangog ninda an tanog kan nagdadalagan na mga kabayo, an kinadalkadal kan mga karwahe, an rinagot kan mga rweda. Dai na babalikan kan mga ama an saindang mga aki; luluyahon an saindang mga kamot.

Jeremias 47:4

Nag-abot na an panahon kan paggadan sa mga Filisteo, tanganing mahale an natatadang mga katabang kan Tiro saka Sidon. Ako, an Kagurangnan, an magadan sa mga Filisteo, na gabos hale sa mga baybayon nin Creta.

Jeremias 8:16

An satong mga kaiwal yaon na sa syudad nin Dan; madadangog hale duman an sinogrot kan saindang mga kabayo. Sa hinirihiri kan saindang mga kabayo, nagtatakig an bilog na daga. Huli ta nag-abot na an mga kaiwal na maraot kan satong daga, na magaba kan satong syudad asin magadan kan mga nag-eerok diyan.”

Ezekiel 27:14

An mga produkto mo rinibayan nin Bet-togarma kan saindang mga kabayong pantrabaho, mga kabayong panggera, saka mga mula.

Mikas 4:13

Nagsasabi an Kagurangnan, “Banwaan nin Jerusalem, lakaw asin padusahan mo an saimong mga kaiwal! Gigibohon takang makosog arog sa sarong torong baka na igwang lansang na sungay saka kuku na bronse. Roronoton mo an dakul na nasyon, asin an kayamanan na saindang kinua sa paagi nin dahas idodolot mo sako, an Kagurangnan kan bilog na kinaban.”