Hukom 5:21 - Marahay na Bareta Biblia

²¹ Inanod sinda kan baha sa Kison— an nag-aanggot na katubigan nin Kison. Magmamartsa akong padagos, sa bilog kong kosog!

Hukom 5:21 ပူးပေါင်းရင်းမြစ်များ

Genesis 49:18

“O Kagurangnan, halat ko an saimong kaligtasan.

1 Mga Hade 18:40

Nagboot si Elias, “Dakopa nindo an mga propeta ni Baal; hare nindo pagpadulaga maski saro sainda.” Dinakop sinda kan mga tawo asin dinara sinda ni Elias sa Sapa nin Kison dangan ginadan niya sinda duman.

Salmo 44:5

Huli saimo nadadaog mi an mga kaiwal, natitimaktimakan mi sinda huli kan saimong ngaran.

Exodo 15:2

An Kagurangnan an sakong kosog asin awit, siya an sakong kaligtasan; siya an sakong Dios, kaya sakong oomawon; Dios nin sakong ama, kaya sakong papalangkawon.

Isaias 25:10

Susurogon nin Kagurangnan an Bukid nin Sion, alagad titimaktimakan niya an mga taga Moab, siring kan pagtimaktimak sa dagami sa tapokan nin odo.

Mikas 7:10

Dangan mahihiling iyan kan samong mga kaiwal asin mawawaraan sinda nin onra—an parehong mga kaiwal na nag-olog-olog samo sa pagsabing, “Haen an Kagurangnan na saindong Dios?” Mahihiling mi sindang daog, na tinitimaktimakan arog sa laboy sa mga tinampo.

Hukom 4:13

tinipon niya an gabos niyang tawohan asin an siyam na gatos na karwaheng gibo sa lansang, dangan hale sa Haroset-hagoiim, pinaduman niya sinda sa Salog nin Kison.

Hukom 4:7

Dadarahon ko saimo si Sisera na pamayo kan hukbo ni Jabin tanganing labanan ka duman sa Salog nin Kison. Dadarahon niya an saiyang mga karwahe sagkod mga soldados, alagad itatao ko saimo an kapangganahan.’”