Hukom 5:20 - Marahay na Bareta Biblia

²⁰ An mga bitoon sa langit nakilaban, mantang naglilibot sa kaitaasan; si Sisera saindang linabanan.

Hukom 5:20 ပူးပေါင်းရင်းမြစ်များ

2 Samuel 18:8

Naglakop an ralaban sa kaawagan, asin mas dakul an nagkagaradan sa kadlagan ki sa pagralaban.

Josue 10:10

Ginibo nin Kagurangnan na magkatarakot an mga Amoreo pagkahiling sa hukbo nin Israel. Ginaradan sinda kan mga Israelita duman sa Gibeon asin linamag sinda sa dalan na paibaba kan Bet-horon sagkod sa Azeka asin Makkeda.

Josue 10:11

Mantang nagdudurulag an mga Amoreo sa hukbo kan Israel duman sa dalan na paibaba kan Bet-horon, pinauranan sinda nin Kagurangnan nin yelo na garo mga gapo sagkod sa Azeka; mas dakul sainda an nagadan sa yelo ki sa nagadan kan mga Israelita.

Josue 10:12

Kan aldaw na itinao nin Kagurangnan sa mga Israelita an kapangganahan sa mga Amoreo, nakipag-olay si Josue sa Kagurangnan. Sa atubang kan mga Israelita nagsabi si Josue, “Aldaw, mag-ontok ka sa tangod kan Gibeon; Bulan, mag-ontok ka sa tangod kan Kapantayan nin Aijalon.”

Hukom 4:15

asin kan salakayon ninda an kampo ni Sisera, linibong nin Kagurangnan si Sisera sagkod an saiyang mga tawohan. Naglusad si Sisera sa saiyang karwahe asin nagdadalagan na nagdulag.

Hukom 5:21

Inanod sinda kan baha sa Kison— an nag-aanggot na katubigan nin Kison. Magmamartsa akong padagos, sa bilog kong kosog!

1 Samuel 7:10

Mantang idinodolot ni Samuel an atang, nagpadagos sa pagsalakay an mga Filisteo; alagad nagdaguldol sa makosog na tingog an Kagurangnan laban sa mga Filisteo kan aldaw na idto. Nagkarilibong sinda asin nagdurulag sa takot.