Hukom 5:12 - Marahay na Bareta Biblia

¹² Mangenot ka, O Debora, mangenot ka! Mangenot ka sa pagkanta! Mangenot ka, O Barak, aking lalaki ni Abinoam, daraha an saimong mga bihag!

Hukom 5:12 ပူးပေါင်းရင်းမြစ်များ

Salmo 108:2

Pagmata, sakong arpa asin lira! Pupukawon ko an kaagahon.

Salmo 57:8

Pagmata, O kalag ko! Pagmata, sakong arpa asin lira! Pupukawon ko an kaagahon.

Salmo 57:9

Magpapasalamat ako saimo, Kagurangnan, sa tahaw nin mga banwaan; sa tahaw nin mga nasyon ika sakong oomawon.

Salmo 68:18

Tinutukad niya an halangkaw na bukid, dara an dakul na bihag; minaako siya nin mga regalo maski an mga gikan sa masombikal na tawo. Duman maerok an Kagurangnan Dios.

Isaias 14:2

Magtatarabang an dakul na nasyon sa pagbalik nin Israel sa saiyang sadiring daga, asin paglilingkodan ninda an Israel bilang mga oripon. An mga nagsakop kaidto sa Israel iyo an sasakopon nin Israel, asin an Israel iyo an mahade sa mga tawong nag-api sainda kaidto.

Isaias 33:1

Herak man sa samong mga kaiwal! Nanghabon saka nagpasaluib sinda, maski mayo nin nanghabon asin nagpasaluib sainda. Alagad matatapos na an panahon kan saindang panghahabon asin pagpapasaluib; sinda mismo an magigin biktima nin panghabon asin pagpasaluib.

Isaias 51:17

Pagmata, O Jerusalem! Pagmata asin pagbangon! Ininom mo an kalis nin padusa na ipinainom saimo nin Kagurangnan sa saiyang kaanggotan; inubos mo iyan, dangan ika nagsasayasay.

Isaias 51:9

Pagmata, Kagurangnan, asin kami saimong tabangan! Gamita an saimong kapangyarihan asin kami ligtasan; gamita iyan siring kan ginibo mo kaidtong panahon. Ika an nagperedaso kan impakto sa dagat na si Rahab.

Isaias 60:1

Tindog, Jerusalem, asin pagliwanag siring sa aldaw! Nagliliwanag sa saimo an kamurawayan nin Kagurangnan!

Jeremias 31:26

Kaya masabi an siisay man, ‘Nagkatorog ako dangan maginhawang nagbangon.’

1 Corinto 15:34

Magtoltol kamo saka dai na magkasala. An iba saindo dai nakakamidbid sa Dios. Sinasabi ko ini nganing masopog kamo.

Efeso 4:8

Siring sa nasasabi sa kasuratan, “Nagsakat siya sa langit, dara an dakul na bilanggo, saka nagtao nin mga balaog sa mga tawo.”

Efeso 5:14

huli ta an anoman na nahahayag, nagigin liwanag, kaya sinasabi, “Pagmata, ika na natotorog, magbangon ka hale sa mga gadan, asin liliwanagan ka ni Cristo.”

2 Timoteo 2:26

Dangan mabalik an saindang tamang kaisipan; makakadulag sinda sa padaya kan Diablo, na nagdakop sainda nganing magkuyog kan saiyang kabotan.

Hukom 5:13

Dangan nagrulugsot an mga natadang maimbod; nagdolok an banwaan nin Kagurangnan sa saiya, andam sa pakilaban.