Hukom 5:11 - Marahay na Bareta Biblia

¹¹ Dangoga! An ribok kan nagtitiripon sa palibot kan mga bubon, nag-oosip kan kapangganahan nin Kagurangnan, kapangganahan kan banwaan nin Israel! Dangan nagmartsa pasiring sa saindang mga trangkahan an banwaan nin Kagurangnan.

Hukom 5:11 ပူးပေါင်းရင်းမြစ်များ

Genesis 24:11

Pag-abot niya, pinaluhod niya an mga kamelyo sa may bubon sa luwas kan syudad. Nagsosolnop na an aldaw asin iyo idto an oras na an kababaehan nagduduman tanganing magharok nin tubig.

Genesis 29:2

Mantang nangangalagkalag siya, nahiling niya an sarong bubon sa oma asin an tolong grupo nin mga karnero na nagloloko sa palibot kan bubon. Digdi sa bubon na ini, na nalulukdoan nin dakulang gapo, pinapainom an mga karnero.

Genesis 29:3

Kun nagkakatiripon na an gabos na karnero, tarabang na hinahale kan mga pastor an dakulang gapo dangan pinapainom an mga karnero; pakatapos, ibinabalik ninda an lukdo sa bubon.

An Libro ni Job 29:7

Kun minatiripon an mga magurang kan syudad, asin minatukaw ako sa kaibahan ninda,

Salmo 145:7

Ioosip ninda an gabos mong karahayan, aawiton ninda an saimong katanosan.

Salmo 71:15

Ipapahayag kan sakong ngoso an saimong karahayan; an saimong kaligtasan sa bilog na aldaw, maski ngani iyan dipisil kong masabotan.

Isaias 12:3

Sa kaogmahan, an mga tawo maharok nin tubig sa mga bubon nin kaligtasan.

Isaias 28:6

Siya an matao kan espiritu nin hustisya sa mga naglilingkod bilang mga hukom, asin kan kosog nin boot sa mga nagbabantay kan syudad sa anoman na pagsalakay.

Mga Panambitan 5:4

Kaipuhan bayadan mi an tubig na samong iniinom, sagkod an mga kahoy na samong iganagatong.

Mga Panambitan 5:9

Sa paghanap nin pagkakan, buhay mi nasa pag-alaman, sa kamot kan mga bandido sa kalangtadan.

Mikas 6:5

Banwaan ko, giromdoma an plano ni Hadeng Balak nin Moab sa saimo asin kun paano siya sinimbag ni Balaam na aking lalaki ni Beor. Giromdoma an mga pangyayari sa dalan magpoon sa kampo sa Sittim sagkod sa Gilgal. Giromdoma an mga bagay na ini asin maaaraman mo kun ano an ginibo ko tanganing iligtas ka.”

Deuteronomio 22:24

darahon nindo sindang duwa sa luwas kan banwa asin duman gapoon nindo sagkod na magadan. Gagadanon an babae huli ta dai siya nagkurahaw sa paghagad nin tabang maski yaon man sana siya sa laog kan banwa. Gagadanon man an lalaki huli ta dinorogan niya an sarong babae na katrato nin iba. Sa siring na paagi, mahahale saindo an karatan na ini.

Deuteronomio 33:21

Kinua niya an pinakamarahay na parte kan daga; kahirasan nin sarong namamayo an napasaiya. Kinuyog niya an mga pagboot nin Kagurangnan saka mga togon, kan an mga lider nin Israel magkatiripon.”

Hukom 11:40

na taon-taon, sa laog nin apat na aldaw, minaruluwas an kababaehan tanganing ipagmondo an aking babae ni Jefta na taga Gilead.

Hukom 5:8

Nagkaigwa nin gera sa daga, kan magpili nin bagong mga dios-dios an Israel. Sa kwarenta mil na lalaki kan Israel, may saro daw na nagdara nin garod o kalasag?

1 Samuel 12:7

Tindog kamo sa saindong namumugtakan, asin susudyaon ko kamo sa atubangan nin Kagurangnan huli sa pagpagiromdom saindo kan mapangyaring gibo nin Kagurangnan sa pagligtas saindo asin sa saindong mga ginikanan.