Hukom 5:1 - Marahay na Bareta Biblia

¹ Kan aldaw na iyan, inawit ni Debora asin ni Barak, na aking lalaki ni Abinoam, an awit na ini:

Hukom 5:1 ပူးပေါင်းရင်းမြစ်များ

2 Samuel 22:1

Kan iligtas nin Kagurangnan si David ki Saul asin sa iba pa niyang mga kaiwal, inawit ni David sa Kagurangnan an awit na ini:

2 Mga Cronica 20:21

Pakatapos niyang makihumapot sa mga tawo, pinagbotan niya an mga maawit nin pag-omaw sa Kagurangnan na magsulot kan gubing na pangpyesta, dangan pangenotan an hukbo mantang nag-aawit nin siring: “Omawon an Kagurangnan, huli ta an saiyang pagkamoot nagdadanay sagkod pa man.”

2 Mga Cronica 20:27

Si Jehosafat asin an saiyang hukbo maogmang nagbalik sa Jerusalem, huli ta dinaog nin Kagurangnan an saindang mga kaiwal.

An Libro ni Job 36:24

Giromdomon mong ilangkaw an saiyang gibo, na inawit kan mga tawo.

An Libro ni Job 38:7

Kan kaagahon kan aldaw na idto, sarabay na nag-awit an mga bitoon, asin nagkurahaw sa kaogmahan an langitnon na mga linalang.

Salmo 18:1

Namomotan taka, O Kagurangnan, sakong kosog!

Salmo 32:7

Ika an sakong lugar na tagoan; iliniligtas mo ako sa kasakitan. Makosog akong nag-aawit kan saimong kaligtasan, huli ta ako saimong iniingatan.

Exodo 15:1

Dangan si Moises asin an mga Israelita nagkanta kaining awit sa Kagurangnan: “An Kagurangnan sakong aawitan huli ta dakulang panggana saiyang nakamtan; mga kabayo asin mga lunad man itinapok niya sa kadagatan.

Exodo 15:21

Kinantahan sinda ni Miriam: “Mag-awit kamo sa Kagurangnan huli ta saiyang nakamtan mamurawayon na kapangganahan. Mga kabayo asin mga lunad man, itinapok niya sa kadagatan.”

Isaias 25:1

Kagurangnan, ika an sakuyang Dios; gagalangan taka asin oomawon ko an saimong ngaran. Huli ta naggibo ka nin makangangalas na mga bagay; maimbod mong pinapangyari an mga plano na minukna mo kaidto pang panahon.

Isaias 26:1

Maabot an panahon na mag-aawit an mga tawo kan awit na ini sa daga nin Juda: Makosog an samong syudad! An Dios mismo an nagbabantay kan mga kudal kaini!

Mga Bilang 21:17

Dangan nag-awit an Israel kan awit na ini: “Paluwasa an tubig mo, O Bubon! Asin sasabaton mi iyan nin awit—

Lukas 1:46

Nagsabi si Maria, “An sakong puso nag-oomaw sa Kagurangnan;

Hukom 4:24

Poon kaidto, dai na ninda inontokan an paglaban ki Hadeng Jabin sagkod na nagadan ninda.

Hukom 4:4

Naglilingkod kaidto bilang hukom sa Israel an babaeng propeta na an ngaran Debora, na agom ni Lappidot.

1 Samuel 2:1

Namibi si Hanna: “An sakong puso nag-oogma sa Kagurangnan; maogma ako huli kan saiyang ginibohan! Mga kaiwal sakong ngingisihan; maogma akong marahay huli kan saiyang tabang!