Hukom 4:9 - Marahay na Bareta Biblia

⁹ Nagsabi si Debora, “Iibahan taka, alagad bakong mapapasaimo an dangog kan kapangganahan, huli ta itatao nin Kagurangnan si Sisera sa sarong babae.” Kaya nagpasiring sa Kedes si Debora kaiba si Barak.

Hukom 4:9 ပူးပေါင်းရင်းမြစ်များ

2 Mga Cronica 26:18

tanganing pugolan siya. Nagsabi sa hade an mga ini, “Uzzias, mayo ka nin deretso na magtutong nin insenso sa Kagurangnan. An mga aki sana ni Aaron an kinonsagra tanganing maggibo kaiyan. Maghale ka sa banal na lugar na ini. Sala an saimong ginibo, asin dai ka na bebendisyonan nin Kagurangnan Dios.”

Hukom 2:14

Kaya naanggot nin marahay sa sainda an Kagurangnan asin tinugotan niyang paghabonan asin salakayon an mga Israelita. Tinugotan niyang daogon kan mga kaiwal ninda an Israel, sagkod na dai na ninda kayang iligtas an saindang sadiri.

Hukom 4:8

Nagsimbag si Barak, “Maduman ako kun kaiba taka; alagad kun dai mo ako iibahan, dai man ako maduman.”

Hukom 9:53

Alagad sarong babae an naghulog nin gilingan sa saiyang payo asin napasa an saiyang bungo.

Hukom 9:54

Inapod ni Abimelec an nagdadara kan saiyang armas asin pinagbotan, “Hugkoton mo an saimong espada asin gadanon mo ako, huli ta habo kong may magsabi na saro sanang babae an guminadan sako.” Binuno siya kan nagdadara kan saiyang armas asin nagadan siya.

1 Samuel 2:30

Ako, an Kagurangnan Dios nin Israel, nanuga kaidto na an saimong pamilya asin an saimong kamaganakan iyo an maglilingkod sako bilang padi sagkod lamang. Alagad dai na pwede iyan! Oomawon ko an mga tawong nag-oomaw sako, asin ikakaongis ko an mga naoongis sako.