Hukom 4:5 - Marahay na Bareta Biblia

⁵ Nakaugalean na ni Debora an pagtukaw sa lindong nin sarong palma, sa pagultanan kan Rama asin Betel sa mabulod na daga nin Efraim. Dinadalaw siya kan mga Israelita huli sa saiyang mga hatol.

Hukom 4:5 ပူးပေါင်းရင်းမြစ်များ

Genesis 35:8

Duman nagadan si Debora na paraaling ni Rebecca. Ilinubong siya sa tangod nin sarong hamurawon na kahoy sa habagat kan Betel, kaya an lugar na idto nginaranan Allon-bacut.

Exodo 18:13

Kan sunod na aldaw, nagtukaw si Moises sa paghusay sa mga kaso kan mga tawo, asin napalibotan siya ninda magpoon aga sagkod banggi.

Exodo 18:16

Kun may duwang tawo na igwang dai pinagkakaoyonan, minadolok sinda sako asin hinuhukoman ko kun siisay sa sainda an tama. Ipinapaliwanag ko sainda an mga pagboot asin mga togon nin Dios.”

Exodo 18:19

Dangoga ining hatol ko asin ibahan ka logod nin Dios. Maninigo na ika an mag-atubang sa Dios asin magdara saiya kan mga problema kan mga tawo.

Exodo 18:26

Sinda an naglingkod bilang mga hukom kan mga tawo sa gabos na panahon. Dinara ninda ki Moises an masakit na mga kaso alagad sinda na an naghukom kan masayon.

Jeremias 31:15

Nagsasabi an Kagurangnan, “Nadangog sa Rama an sarong tingog— an pagtangis asin pag-agrangay na makosog. Tinatangisan ni Rachel an mga aki niya; habo siyang magparanga, huli ta gadan na sinda.

Josue 16:2

Hale sa Betel minapadagos sa Luz dangan sa Atarot Addar, saen nag-erok an mga Arkita.

Josue 18:22

Bet-araba, Zemaraim, Betel,

Josue 18:25

Kairiba man an Gibeon, Rama, Beerot,

Hukom 4:4

Naglilingkod kaidto bilang hukom sa Israel an babaeng propeta na an ngaran Debora, na agom ni Lappidot.

1 Samuel 1:1

Igwa kaidto nin sarong lalaki na gikan sa tribu ni Efraim, na an ngaran Elkana, na nag-erok sa banwa nin Rama sa mabulod na daga nin Efraim. Si Elkana aking lalaki ni Jeroham na aking lalaki ni Elihu, na aking lalaki ni Tohu, na aking lalaki ni Suf, na sarong Efraimita.

1 Samuel 1:19

Sunod na aldaw, nagbangon na amay si Elkana asin an saiyang pamilya dangan nagsamba sa Kagurangnan. Pakatapos, nagpuli sinda sa Rama. Dinorogan ni Elkana an saiyang agom na si Hanna asin sinimbag nin Kagurangnan an saiyang pamibi.

1 Samuel 22:6

Sarong aldaw, yaon duman sa Gibea si Saul nagtutukaw sa lindong nin sarong kahoy na sampalok sa alitoktok nin sarong bulod; kapot niya an saiyang garod asin napapalibotan siya kan saiyang mga opisyal. Naaraman na niya kun saen nagtatago si David asin an saiyang mga tawohan.

1 Samuel 25:1

Nagadan si Samuel asin nagtiripon an bilog na Israel; ipinagmondo ninda an saiyang pagkagadan. Dangan ilinubong siya sa saiyang harong sa Rama. Pakatapos kaini, nagpasiring si David sa kalangtadan nin Paran.

1 Samuel 7:17

Dangan minapuli siya sa saiyang harong sa Rama, na pinaglilingkodan man niya bilang hukom. Nagpatugdok siya duman nin altar para sa Kagurangnan.