Hukom 4:21 - Marahay na Bareta Biblia

²¹ Huli sa kapagalan, nangatorog si Sisera. Kuminua si Jael nin martilyo asin sarong taldok kan tolda dangan luway-luway na dinolok an natotorog na si Sisera; ginadan niya ini sa paagi kan pagpalpal kan taldok sa sentido kaini sagkod na tuminadok sa daga an taldok.

Hukom 4:21 ပူးပေါင်းရင်းမြစ်များ

Salmo 3:7

Bumangon ka, Kagurangnan! Ligtasan ako, O sakuyang Dios! Sinasampaling mo an mga kaiwal, rinoronot mo an mga ngipon kan mga maraot.

1 Corinto 1:19

Huli ta nasusurat, “Lalaglagon ko an kadonongan kan mga madonong, asin hahalean ko nin halaga an pakasabot kan mga may inadalan.”

1 Corinto 1:27

Alagad tuyong pinili nin Dios an mga tawong mangmang sa kinaban tanganing mapasopog an mga madonong. Pinili niya an mga tawong maluya sa kinaban tanganing mapasopog an mga makosog.

Hukom 15:15

Dangan nakanumpong siya nin sarong panga nin asno na bago pa sanang magadan. Pinurot niya ini asin ginamit sa paggadan sa sangribong Filisteo.

Hukom 3:21

Binulnot ni Ehud kan wala niyang kamot an espadang iginakod niya sa too niyang tabay dangan sinaksak an hade sa tulak.

Hukom 3:31

An suminunod saiya iyo si Samgar na aking lalaki ni Anat. Ilinigtas man niya an Israel kan gadanon niya an seis syentos na Filisteo sa paagi kan saiyang sugkod na pang-alaw sa mga baka.

Hukom 4:20

Nagsabi si Sisera, “Magtindog ka sa may pintoan kan tolda asin kun may magdigdi dangan maghapot saimo kun igwang ibang tawo digdi, sabihan mong dai.”

Hukom 4:22

Kaya kan mag-abot si Barak na naghahanap ki Sisera, sinabat siya ni Jael asin sinabihan, “Madya asin itutukdo ko saimo an tawong hinahanap mo.” Kaya luminaog siya sa tolda kaiba si Jael asin yaon duman si Sisera sa daga, gadan na huli kan taldok na luminagbas sa saiyang payo.

Hukom 4:9

Nagsabi si Debora, “Iibahan taka, alagad bakong mapapasaimo an dangog kan kapangganahan, huli ta itatao nin Kagurangnan si Sisera sa sarong babae.” Kaya nagpasiring sa Kedes si Debora kaiba si Barak.

1 Samuel 17:43

Nagsabi si Goliat ki David, “Ano ako, ayam, kun kaya nagdigdi ka na may darang pamakol?” Dangan pinagmaldisyon niya si David sa ngaran kan saiyang mga dios-dios.