Hukom 4:14 - Marahay na Bareta Biblia

¹⁴ Sinabihan ni Debora si Barak, “Lakaw! An Kagurangnan an mangengenot saimo! Sa aldaw na ini, itatao niya saimo an kapangganahan laban ki Sisera.” Kaya sa pangenot ni Barak, naglugsot hale sa Bukid nin Tabor an dyes mil na kalalakihan,

Hukom 4:14 ပူးပေါင်းရင်းမြစ်များ

Genesis 19:14

Kaya dinuman ni Lot an mga lalaking gustong mag-agom kan duwa niyang daraga asin sinabihan, “Maghale tolos kamo digdi; tutunawon nin Kagurangnan an syudad na ini.” Alagad an mga ini naghona na nagkakalwag sana si Lot.

Genesis 44:4

Dai pa sinda nakakaharayo sa syudad, sinabihan ni Jose an pinaniwalaan niyang sorogoon, “Lamaga an mga lalaking idto. Kun maabotan mo na sinda, hapoton mo, ‘Tano ta binalosan nindo nin maraot an marahay na gibo?

2 Samuel 5:24

Kun madangog mo na an pagmamartsa sa alitoktok kan mga kahoy na balsamo, magsalakay ka, huli ta ako an mangengenot saindo sa pagdaog kan hukbo kan mga Filisteo.”

Isaias 52:12

Ngunyan mahale kamo na dai naghihidali, dai kamo malakaw na garo nagdudulag. An Kagurangnan na saindong Dios an mangengenot saindo asin maataman saindo.

Mikas 2:13

An Dios iyo an mabukas nin agihan para sainda dangan mahale sa sainda sa pagkatapokan. Maruluwas sinda sa mga trangkahan kan syudad asin magigin talingkas. An saindang hade, an Kagurangnan mismo, iyo an mangengenot sainda paluwas.

Deuteronomio 9:3

Alagad ngunyan na aldaw mahihiling nindo na mangengenot saindo an Kagurangnan na saindong Dios siring sa sarong nakakatutong na kalayo. Sa pagdangadang nindo, dadaogon niya sinda tanganing madali nindo sindang mapahale asin magadan siring sa ipinanuga niya.

Josue 10:8

Nagtaram an Kagurangnan ki Josue, “Dai ka matakot sainda. Itinao ko na saindo an kapangganahan. Maski siisay sainda dai nin magiginibo laban saimo.”

Josue 7:13

Tindog! Pakabanala an mga tawo asin sabihan mo sinda na magpakabanal para sa aga huli ta ako, an Kagurangnan Dios nin Israel, mataram kaini, ‘Israel, sa saindong mga pagsadiri igwa nin mga bagay na ipinagboot kong suloon. Dai kamo makakaatubang sa saindong mga kaiwal sagkod na dai nahahale saindo an mga bagay na iyan!’

Hukom 19:28

Sinabihan niya an babae, “Bumangon ka; mahale na kita.” Alagad dai ini nagsimbag saiya. Kaya ilinunad niya an bangkay kan babae sa asno dangan naglakaw papuli sa saiyang harong.

Hukom 4:10

Inapod ni Barak an mga tribu ni Zabulon asin ni Neftali; suminunod saiya sa Kedes an sampolong ribong kalalakihan. Nag-iba man saiya si Debora.

Hukom 7:9

Kan bangging idto, pinagbotan nin Kagurangnan si Gideon, “Bumangon ka asin salakayon mo an kampo kan mga Midianita; itinatao ko saimo an kapangganahan.

1 Samuel 9:26

asin duman siya nagkatorog. Pagsirang kan aldaw, pinukaw ni Samuel si Saul na nasa atop, “Bangon na, asin dedespediron taka.” Nagbangon si Saul, dangan nag-iba sinda ni Samuel pasiring sa tinampo.