Hukom 4:11 - Marahay na Bareta Biblia

¹¹ Sa oras na idto, naghale si Heber na Cineo sa lugar kan kapwa niya Cineo, na kapagarakian ni Hobab na panugangan na lalaki ni Moises. Nagtugdok si Heber kan saiyang tolda harani sa Kedes, sa may kahoy na hamurawon sa Zanannim.

Hukom 4:11 ပူးပေါင်းရင်းမြစ်များ

Exodo 18:1

Nabaretaan ni Jetro, na panugangan ni Moises asin padi sa Midian, an mga ginibo nin Dios para ki Moises asin sa mga Israelita kan iluwas niya sinda sa Egipto.

Exodo 2:18

Pagpuli ninda, naghapot an saindang ama, “Tadaw ta naamay kamo ngunyan?”

Exodo 3:1

Kan panahon na iyan si Moises iyo an nag-aataman kan mga karnero asin mga kanding kan panugangan niyang si Jetro, na padi kan Midian. Sarong aldaw, inalaw niya an mga hayop pasiring sa solnopan kan kalangtadan sagkod na nakaabot siya sa Sinai, an bukid nin Dios.

Mga Bilang 10:29

Sinabihan ni Moises an saiyang bayaw na si Hobab na aki kan panugangan niyang si Jetro na Midianita, “Maduman na kami sa lugar na ipinanugang itatao samo nin Kagurangnan. Nanuga siya na tatawan nin mauswag na pamumuhay an Israel kaya umiba ka samo asin hihirasan mi ika kan biyayang samong makakamtan.”

Mga Bilang 10:32

Kun ibahan mo kami, hihirasan mi ika kan gabos na biyayang itatao samo nin Kagurangnan.”

Mga Bilang 24:21

Nahiling ni Balaam an mga Cineo, asin nagpropesiya siya: “Pusog an saimong erokan, Siring sa salagan na namumugtak sa kagapoan,

Josue 19:33

An pagdolonan kan daga minapoon sa Helef pasiring sa kahoy na hamurawon na nasa Zaanannim, minadagos sa Adaminekeb saka sa Jamnia, sa Lakkum, asin sagkod sa Salog nin Jordan.

Josue 19:37

Kedes, Edrei, En-hazor,

Hukom 1:16

Hale sa Jerico, an syudad nin mga palma, nagpadagos sa paglakaw an tribu ni Juda kaiba an mga Cineo na kapagarakian kan panugangan ni Moises. Nagpasiring sinda sa kalangtadan nin Juda harani sa Arad. Dangan duman sinda nag-erok kaiba an mga Amalekita.

Hukom 4:12

Kan maisihan ni Sisera na tuminukad sa Bukid nin Tabor si Barak na aking lalaki ni Abinoam,

Hukom 4:6

Sarong aldaw, ipinaapod niya si Barak, na aking lalaki ni Abinoam kan syudad nin Kedes sa daga nin Neftali. Sinabihan niya si Barak, “Ini an pagboot saimo nin Kagurangnan: ‘Hale sa mga tribu ni Neftali asin ni Zabulon, kumua ka nin dyes mil na kalalakihan dangan pangenotan mo sinda pasiring sa Bukid nin Tabor.

1 Samuel 15:6

Nagpatanid siya sa mga Cineo, “Maghale kamo; bayaan nindo an mga Amalekita, tanganing dai kamo makaiba sa paggadan ko sainda, huli ta nagin maboot kamo sa mga Israelita kan mag-abot sinda hale sa Egipto.” Kaya nagharale an mga Cineo.

1 Samuel 27:10

Kun minahapot si Akis, “Saen kamo nagsalakay ngunyan?” minasimbag si David na nagduman siya sa habagat na parte nin Juda o sa teritoryo kan tribu ni Jerameel o sa teritoryo kan mga Cineo.