Hukom 3:5 - Marahay na Bareta Biblia

⁵ Kaya nag-erok sa daga an mga Israelita sa kaibahan kan mga Cananeo, Heteo, Amoreo, Perezeo, Heveo, asin Jebuseo.

Hukom 3:5 ပူးပေါင်းရင်းမြစ်များ

Genesis 13:7

Kaya nagkaigwa nin pag-iriwal an mga pastor ni Abram asin ni Lot. (Kaidto, an mga Cananeo asin Perezeo iyo an nag-eerok sa lugar na idto.)

1 Mga Hade 9:20

Para sa saiyang pirit na pagpatrabaho, ginamit ni Solomon an mga tawong nagkatarada sa Canaan, na dai ginaradan kan mga Israelita kan sakopon ninda an saindang daga. An mga tawong ini iyo an mga Amoreo, Heteo, Perezeo, Hebeo, asin Jebuseo, na an kapagarakian padagos sa pagigin mga oripon sagkod ngunyan.

Nehemias 9:8

Nahiling mo na maimbod siya saimo, kaya nakipagtipan ka saiya. Nanuga ka saiya na itatao mo sa saiyang kapagarakian an daga kan mga Cananeo, mga Heteo, mga Amoreo, mga Pereseo, mga Jebuseo, asin mga Gergeseo. Inotob mo an saimong panuga, huli ta ika matanos.

Exodo 3:17

Nangangako ako na iluluwas ko sinda sa Egipto na nag-ooripon sa sainda asin dadarahon ko sinda sa mayaman saka matubang na daga kan mga Cananeo, Heteo, Amoreo, Perezeo, Heveo, asin Jebuseo.

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Exodo 34:16

dangan tibaad agomon kan saindong mga aking lalaki an saindang mga aking babae, na masugot sainda na magtalikod sako asin magsamba sa saindang mga paganong dios-dios.

Mga Bilang 13:29

An mga Amalekita nag-eerok sa habagat na parte kan daga nin Canaan; an mga Heteo, Jebuseo, asin Amoreo nag-eerok sa mabulod na daga, asin an mga Cananeo nag-eerok sa baybayon kan Dagat nin Mediteraneo dangan sa pangpang kan Salog nin Jordan.”

Deuteronomio 7:1

“Dadarahon kamo nin Kagurangnan na saindong Dios duman sa dagang sasakopon nindo, asin papahaleon niya duman an dakul na banwaan. Sa pagdangadang nindo, aalawon niya an pitong nasyon na orog na dakula asin mapangyari ki sa saindo: an mga Heteo, Gergeseo, Amoreo, Cananeo, Perezeo, Heveo, asin Jebuseo.

Josue 11:3

Nagpasabi man siya sa mga Cananeo sa mag-ibong na gilid kan Jordan, sa mga Amoreo, Heteo, Perezeo, asin sa mga Jebuseo na nag-eerok sa kabubuldan, siring man sa mga Heveo na nag-eerok sa pamitisan kan Bukid nin Hermon sa daga nin Mizpa.

Josue 9:1

An mga kapangganahan kan Israel nabaretaan kan gabos na hade sa solnopan kan Jordan—sa kabubuldan, sa kababan, asin sa baybayon kan Dagat nin Mediteraneo sagkod sa Lebanon, sa parteng amihan. Sinda iyo an mga hade kan mga Heteo, Amoreo, Cananeo, Perezeo, Heveo, asin mga Jebuseo.

Hukom 1:4

asin Juda. Pinapanggana sinda nin Kagurangnan laban sa mga Cananeo asin sa mga Perezeo; dinaog ninda an sampolong ribong kalalakihan duman sa Bezek.

Hukom 1:5

Nanumpongan ninda duman si Adonibezek asin linabanan ninda.