Hukom 3:4 - Marahay na Bareta Biblia

⁴ Sinda an mabalo sa Israel, tanganing maaraman kun baga masunod sinda sa ipinagboot nin Kagurangnan sa saindang mga ginikanan huli ki Moises.

Hukom 3:4 ပူးပေါင်းရင်းမြစ်များ

Exodo 15:25

Kaya namibi sa Kagurangnan si Moises, asin ipinahiling saiya nin Kagurangnan an sarong kaputol na kahoy. Kinua ini ni Moises dangan itinapok sa tubig asin nahale an pait kan tubig. Sa lugar na idto itinao sainda nin Kagurangnan an mga pagboot na saindang pagkukuyogon asin duman sinda pinagbalo.

1 Corinto 11:19

Mayong duwa-duwa na igwa nin pagkabaranga diyan saindo, tanganing mamidbidan nin malinaw kun siisay an mga nasa tama.)

Deuteronomio 33:8

Nagsabi si Moises manongod ki Levi: “Ipinapahayag mo ki Levi an saimong kabotan sa paagi kan Urim asin Tummim. Binalo mo siya duman sa Massa; saiyang kaimbodan nahiling mo sa katubigan nin Meriba.

Deuteronomio 8:2

Giromdoma nindo kun paano kamo pinangenotan nin Kagurangnan, na saindong Dios, sa pagbaklay nindo sa desyerto sa laog nin kwarentang taon. Pinasakitan niya kamo sa pagbalo saindo, tanganing aramon an nasa puso nindo, kun makuyog kamo kan saiyang mga togon o dai.

Hukom 2:22

Gagamiton ko sinda sa pagbalo kun totoong masunod sako an mga Israelitang ini, arog kan saindang mga ginikanan.”

Hukom 3:1

Kaya itinada nin Kagurangnan an nagkapirang nasyon sa daga tanganing baloon an mga Israelita na dai pa nakanamit nin gera sa Canaan.