Hukom 3:27 - Marahay na Bareta Biblia

²⁷ Pag-abot niya duman sa mabulod na daga nin Efraim, pinatanog niya an trompeta tanganing apodon para sa pakilaban an kalalakihan nin Israel. Hale sa kabubuldan, pinangenotan niya sinda.

Hukom 3:27 ပူးပေါင်းရင်းမြစ်များ

2 Samuel 20:22

Dangan nagduman an babae sa saiyang mga kahimanwa asin sinabihan sinda kan saiyang plano. Pinugotan ninda nin payo si Sheba asin itinapok an payo sa ibong kan kudal pasiring ki Joab. Kaya pinatanog ni Joab an trompeta bilang tanda para sa saiyang mga tawohan na maghale na sa syudad asin magpuli sa saindang mga harong. Nagbalik si Joab sa Jerusalem asin sa hade.

2 Mga Hade 9:13

Kaya hinuba kan mga opisyal an saindang alikboy asin biniklad sa ibabaw kan hagdan tanganing tindogan ni Jehu. Pinatanog ninda an mga trompeta asin nagkurahaw, “Si Jehu iyo an hade!”

Nehemias 4:14

Nahiling kong nahandal an mga tawo, kaya sinabihan ko sinda asin an saindang mga lider saka mga opisyal, “Dai kamo matakot sainda. Giromdoma nindo an Kagurangnan, dakula asin makangirhat siya. Ipaglaban nindo an saindong mga tugang, an saindong mga kaakian, an saindong mga agom saka mga harong.”

Josue 17:15

Nagsimbag si Josue, “Kun dakul na kamong marahay asin sadit na para saindo an mabulod na daga ni Efraim, magduman kamo sa kadlagan asin hawanan nindo para saindo an daga kan mga Perezeo saka kan mga Refaim.”

Josue 17:18

Mapapasaindo an mabulod na daga. Maski iyan sarong kadlagan, hahawanan nindo asin sasadirihon iyan magpoon sa sarong poro sagkod sa ibong na poro. Papahaleon nindo an mga Cananeo maski igwa sinda nin mga karwaheng lansang asin maski makokosog sinda.”

Hukom 10:1

Pagkagadan ni Abimelec, uminabot si Tola na aking lalaki ni Pua asin makoapo ni Dodo, tanganing iligtas an Israel. Gikan si Tola sa tribu ni Issakar asin nag-erok sa Samir, sa mabulod na daga ni Efraim.

Hukom 17:1

Igwa kaidto nin lalaki na an ngaran Micas, na nag-erok sa mabulod na daga nin Efraim.

Hukom 19:1

Kan mga aldaw na idto, kan dai pa nin hade an Israel, igwa nin sarong Levita na nag-eerok sa mabulod na daga nin Efraim. Nagkua siya nin sarong babae na taga Betlehem sa Juda tanganing magin saiyang kasaroan.

Hukom 3:26

Nakadulag si Ehud mantang naghahalat an mga oripon. Inagihan niya an mga inukitan na gapo asin duminulag siya pasiring sa Seira.

Hukom 5:14

Hale ki Efraim, nagpasiring sinda sa kapantayan, nagsunod sa tribu ni Benjamin asin sa saiyang banwaan. Nagrulugsot an mga namamayo hale ki Machir, asin hale ki Zabulon an mga opisyal.

Hukom 6:34

Nagdatong ki Gideon an Espiritu nin Kagurangnan asin pinatanog niya an trompeta tanganing apodon an kalalakihan kan kamaganakan ni Abiezer na mag-iba saiya.

Hukom 7:24

Nagpadara nin mga sugo si Gideon sa gabos na lugar kan mabulod na daga nin Efraim asin nagpasabi, “Magrulugsot kamo dangan makilaban sa mga Midianita. Hare nindo pagpabalyoha an mga kaiwal sa Salog nin Jordan sagkod sa mga sapa nin Bet-bara.” Kaya tiniripon an kalalakihan nin Efraim, asin binantayan ninda an Salog nin Jordan saka an mga sapa sagkod sa Bet-bara.

1 Samuel 13:3

Ginadan ni Jonatan an pamayo kan mga Filisteo sa Geba, asin nabaretaan ini kan gabos na Filisteo. Dangan nagpadara si Saul nin mga sugo sa bilog na daga tanganing apodon an mga Hebreyo sa pakigera huli sa pagpatanog kan trompeta sa bilog na daga.