Hukom 3:19 - Marahay na Bareta Biblia

¹⁹ Alagad pag-abot niya sa mga inukitan na gapo sa Gilgal, nagbalik siya ki Eglon asin nagsabi, “Mahal na hade, igwa akong sekretong mensahe para saimo.” Kaya nagboot an hade sa saiyang mga oripon, “Hale kamo digdi!” Nagharale an mga oripon.

Hukom 3:19 ပူးပေါင်းရင်းမြစ်များ

Genesis 45:1

Dai na napugolan ni Jose an saiyang sadiri sa atubang kan saiyang mga oripon, kaya pinaluwas niya an mga ini sa kwarto. Mayong nawalat duman kan magpamidbid siya sa saiyang mga tugang.

2 Samuel 13:9

Kinua ni Tamar an kawali dangan an laog kaini ibinugtak niya sa atubang ni Amnon, alagad habong magkakan si Amnon. Nagsabi siya, “Pahalea digdi an gabos.” Kaya nagharale sinda.

Salmo 78:58

Pinaanggot siya ninda huli kan saindang mga paganong altar; pinaimon siya ninda huli kan saindang mga dios-dios.

Josue 4:20

Duman pinatindog ni Josue an doseng gapo na kinua sa tahaw kan Jordan.

Hukom 3:18

Kan ikinatao na ni Ehud an dara niyang mga regalo, pinapuli niya an mga lalaking nagdara kaini.

Hukom 3:20

Dangan mantang solong nagtutukaw an hade duman sa saiyang mahayahay na kwarto sa atop kan harong, duminolok si Ehud saiya asin nagsabi, “Igwa akong mensahe para saimo hale sa Dios.” Nagbuhat an hade.