Hukom 3:12 - Marahay na Bareta Biblia

¹² Nagkasala giraray an Israel sa Kagurangnan, asin huli kaini an hadeng si Eglon kan Moab orog na pinakosog nin Kagurangnan ki sa Israel.

Hukom 3:12 ပူးပေါင်းရင်းမြစ်များ

2 Mga Hade 5:1

Si Naaman, an pamayo kan hukbo nin Siria, sarong dakulang lalaki na nawiwilihan kan hade nin Siria, huli ta sa paagi ni Naaman itinao nin Kagurangnan an kapangganahan sa Siria. Saro siyang maisog na soldados, alagad may nakakatakot siyang helang sa kublit.

Exodo 9:16

Alagad binuhay taka tanganing ipahiling saimo an sakong kapangyarihan, asin tanganing makalakop sa bilog na kinaban an sakuyang ngaran.

Isaias 10:15

Alagad nagtataram an Kagurangnan, “Makasabi daw an patok na mas dakula siya ki sa tawong naggagamit kaiyan? Mas dakula daw an lagadi ki sa tawong naggagamit kaiyan? Dai man binubuhat kan pamakol an tawo; an tawo an minabuhat kan pamakol.”

Isaias 37:26

“Dai mo nabaretaan na ako an nagplano kan gabos na iyan kaidto? An gabos na plano ko kaidtong panahon pinapangyari ko ngunyan. Tinawan taka nin kapangyarihan tanganing gabaon an pinapusog na mga syudad.

Ezekiel 38:16

Sasalakayon mo an sakuyang banwaan nin Israel siring sa sarong panganoron na matahob kan daga. Pag-abot kan panahon na iyan, susugoon taka sa pagsalakay sa sakuyang daga tanganing mamidbid kan mga nasyon kun siisay ako, asin mahiling ninda an sakuyang kabanalan huli kan ipapagibo ko saimo.

Daniel 4:22

Mahal na Hade, ika an kahoy, halangkaw asin pusog. Duminakula ka nin marahay kaya nakakaabot sa langit, asin sakop kan saimong kapangyarihan an bilog na kinaban.

Daniel 5:18

“An saimong ama na si Nebukadnezzar ginibong dakulang hade asin tinawan nin kamurawayan saka kamahalan kan Kahorohalangkaweng Dios.

Oseas 6:4

Alagad nagsasabi an Kagurangnan, “Ano an gigibohon ko saimo Israel? Ano an gigibohon ko saimo Juda? Hidali sanang nawawara an saindong pagkamoot sako arog kan alopoop sa pagkaaga; nakakaagid iyan sa ambon na nawawara amay pa an aldaw.

Juan 19:11

Nagsimbag si Jesus, “Mayo ka kutana nin kapangyarihan sako kun dai iyan itinao saimo nin Dios. Kaya mas dakula an kasalan kan nagdara sako saimo.”

Hukom 2:11

Dangan nagkasala sa Kagurangnan an banwaan nin Israel asin nagpoon sindang magsamba sa mga Baal.

Hukom 2:14

Kaya naanggot nin marahay sa sainda an Kagurangnan asin tinugotan niyang paghabonan asin salakayon an mga Israelita. Tinugotan niyang daogon kan mga kaiwal ninda an Israel, sagkod na dai na ninda kayang iligtas an saindang sadiri.

Hukom 2:19

Alagad sa oras na magadan an hukom, minabalik an mga tawo sa dati nindang gibo, asin an bagong henerasyon nagigin orog na maraot ki sa saindang mga magurang. Minalingkod sinda asin minasamba sa ibang mga dios; habo nindang bayaan an mga maraot nindang gibo.

Hukom 3:11

Pakatapos kaini, nagkaigwa nin katoninongan an daga sa laog nin kwarentang taon, dangan nagadan si Otniel.

1 Samuel 12:9

Alagad nalingawan kan mga tawo an Kagurangnan na saindang Dios, kaya pinabayaan niyang labanan dangan sakopon sinda kan mga Filisteo asin kan hade nin Moab saka ni Sisera na pamayo kan hukbo kan syudad nin Hazor.