Hukom 3:1 - Marahay na Bareta Biblia

¹ Kaya itinada nin Kagurangnan an nagkapirang nasyon sa daga tanganing baloon an mga Israelita na dai pa nakanamit nin gera sa Canaan.

Hukom 3:1 ပူးပေါင်းရင်းမြစ်များ

2 Mga Cronica 32:31

Kan magduman an mga sugo na mga taga Babilonia sa pagsiyasat kan mga nangyayari sa saiyang daga, pinabayaan nin Kagurangnan si Ezekias sa mga palakaw kaini tanganing baloon an hade asin aramon an nasa puso niya.

An Libro ni Job 23:10

Alagad aram niya an dalan na sakong linalakawan; kun baloon niya ako, makukua niya akong dalisay.

Exodo 15:25

Kaya namibi sa Kagurangnan si Moises, asin ipinahiling saiya nin Kagurangnan an sarong kaputol na kahoy. Kinua ini ni Moises dangan itinapok sa tubig asin nahale an pait kan tubig. Sa lugar na idto itinao sainda nin Kagurangnan an mga pagboot na saindang pagkukuyogon asin duman sinda pinagbalo.

Mga Talinhaga 17:3

Binabalo sa kalayo an bulawan saka an plata, alagad an minabalo kan puso nin tawo iyo an Kagurangnan.

Jeremias 6:27

Jeremias, baloa an sakong banwaan, arog sa pagbalo sa metal, asin aramon mo kun ano an saindang pagkatawo.

Zacarias 13:9

Babaloon ko an ikatolong kabtang na matatada dangan lilinigan ko sinda arog kan paglinig kan plata sa paagi nin kalayo. Babaloon ko sinda siring sa pagbalo sa bulawan. Mamimibi sinda sa sako, asin sisimbagon ko sinda. Sasabihan ko sinda na sinda an sakong banwaan, asin ipapahayag ninda na ako an saindang Dios.”

Juan 2:24

Alagad dai si Jesus naniwala sainda, huli ta midbid niya sinda gabos.

Deuteronomio 7:22

Sa pagdangadang nindo, dikit-dikit na papahaleon nin Kagurangnan an mga nasyon na iyan. Dai nindo pwedeng gadanon tolos sinda gabos, huli ta tibaad magdakul an mga lalaw na hayop asin dai nindo sinda makayang labanan.

Deuteronomio 8:16

Sa kalangtadan, pinakakan niya kamo nin manna, pagkakan na dai pa nanamitan kan saindong mga ginikanan. Pinasakitan niya kamo sa pagbalo saindo, tanganing sa kataposan, tawan niya kamo nin mga marahay na bagay.

Deuteronomio 8:2

Giromdoma nindo kun paano kamo pinangenotan nin Kagurangnan, na saindong Dios, sa pagbaklay nindo sa desyerto sa laog nin kwarentang taon. Pinasakitan niya kamo sa pagbalo saindo, tanganing aramon an nasa puso nindo, kun makuyog kamo kan saiyang mga togon o dai.

1 Pedro 1:7

tanganing baloon kun tunay an saindong pagtubod. Maski an bulawan na pwedeng mawara, binabalo sa kalayo; siring man, an saindong pagtubod na mas mahalaga ki sa bulawan dapat baloon, tanganing mahiling na an saindong pagtubod tunay, asin magkamit kamo nin kaomawan, kamurawayan saka paggalang sa Aldaw na ihayag si Jesu-Cristo.

1 Pedro 4:12

Mga namomotan na tugang, dai nindo ipagngalas an mga makulog na pagbalo na tinitios nindo na garo baga sarong pambihirang pangyayari sa buhay nindo.

Kapahayagan 2:23

Gagadanon ko man an saiyang mga aki tanganing maaraman kan gabos na simbahan na ako iyo an nagsisiyasat sa isip saka puso nin tawo, dangan itatao ko sa lambang saro an maninigo sa saiyang mga gibo.

Hukom 1:1

Pakagadan ni Josue, hinapot an Kagurangnan kan banwaan nin Israel, “Arin sa mga tribu an enot na masalakay sa mga Cananeo?”

Hukom 2:10

Nagkagaradan an gabos na kabilang sa henerasyon na idto, asin an bagong henerasyon dai nakamidbid sa Kagurangnan asin kan mga ginibo niya para sa Israel.

Hukom 2:23

Kaya itinugot nin Kagurangnan na padagos na mag-erok an mga nasyon na ini sa daga; dai niya itinao ki Josue an kapangganahan laban sainda, ni pinahale tolos sa daga pakagadan ni Josue.

Hukom 3:2

Ginibo niya ini tanganing tukdoan an lambang henerasyon kan mga Israelita manongod sa gera, orog na idtong dai pa nakilaban.