Hukom 21:7 - Marahay na Bareta Biblia

⁷ Ano an satong magigibo tanganing matawan ta nin agom an natatada pang kalalakihan ni Benjamin? Dai ta man pwedeng itao sainda an satong mga aking babae huli ta nanumpa kita sa Kagurangnan.”

Hukom 21:7 ပူးပေါင်းရင်းမြစ်များ

Hukom 21:1

Kan magkatiripon an mga Israelita sa Mizpa, nanumpa sinda sa Kagurangnan na, “Mayo nin siisay man sa samo na matugot na ipaagom an saiyang aking babae sa sarong Benjaminita.”

Hukom 21:18

Dai ta pwedeng ipaagom sainda an satong mga aking babae huli ta nanumpa kitang mamaldisyonon an siisay man na magpaagom kan saiyang aking babae sa sarong Benjaminita.”

Hukom 21:22

Kun magreklamo samo an saindang mga ama o mga tugang na lalaki, sasabihan mi sinda na, ‘Pabayaan na nindo sinda sa samo huli ta dai mi man sinda kinua saindo sa gera tanganing magin agom nyamo. Dai man nindo sinda itinao samo kaya dai man kamo nagtalikod sa saindong panuga.’”

Hukom 21:6

Naherak an mga Israelita sa mga tugang nindang Benjaminita asin nagsabi sinda, “Sarong tribu an nawara sa Israel ngunyan.

Hukom 21:8

Kan maghapot sinda kun igwang mga grupo sa mga tribu nin Israel na dai nagduman sa pagtiripon sa Mizpa, naaraman ninda na mayong nagduman hale sa Jabes sa Gilead,

1 Samuel 14:45

Alagad nagsarabi an mga tawo ki Saul, “Tama daw na gadanon si Jonatan na nakaginibo kaining dakulang kapangganahan para sa Israel? Dai! Sagkod na buhay an Kagurangnan, minasumpa kami na mayo nin mararakdag na buhok sa payo ni Jonatan, maski saro. An ginibo niya ngunyan na aldaw nangyari huli sa tabang nin Dios.” Kaya ilinigtas kan mga tawo si Jonatan sa kagadanan.