Hukom 21:10 - Marahay na Bareta Biblia

¹⁰ Kaya an katiriponan nagpadara nin dose mil kan saindang pinakamaisog na mga lalaki dangan pinagbotan, “Magduman kamo sa Jabes asin gadanon nindo an gabos na yaon duman, sagkod an kababaehan saka kaakian.

Hukom 21:10 ပူးပေါင်းရင်းမြစ်များ

Mga Bilang 31:17

Kaya gadanon nindo ngunyan an mga aking lalaki saka an mga babaeng nadorogan na.

Deuteronomio 13:15

gadanon nindo an gabos na tawo sa banwa na iyan, asin an gabos nindang hayop. Rumpagon nindo an bilog na banwa.

Josue 7:24

Si Acan, an plata, an gubing asin an bara nin bulawan dinara ni Josue asin kan mga Israelita sa Kapantayan nin Acor. Dinara man ninda an mga aki ni Acan, an saiyang mga baka, asno, sagkod an mga karnero, an saiyang tolda asin an gabos niyang pagsadiri.

Hukom 21:5

Pakatapos, naghinarapotan sinda, “Arin sa mga tribu nin Israel an dai nagduman sa Mizpa sa pagtiripon para sa Kagurangnan?” (Huli ta nagsumpa sinda na gagadanon an siisay man na dai nagduman sa Mizpa.)

Hukom 21:8

Kan maghapot sinda kun igwang mga grupo sa mga tribu nin Israel na dai nagduman sa pagtiripon sa Mizpa, naaraman ninda na mayong nagduman hale sa Jabes sa Gilead,

Hukom 21:9

huli ta kan apodon an mga ngaran duman sa katiriponan, dai nin nagsimbag na taga Jabes.

Hukom 5:23

“Maldisyonon an Meroz,” an olay kan anghel nin Kagurangnan, “maldisyonon an gabos na nag-eerok duman. Dai sinda nag-abot sa pagtabang sa Kagurangnan, sa pagtabang sa Kagurangnan laban sa mapangyari.”

1 Samuel 11:7

Kinua niya an duwang baka, pinedaso an mga ini, asin sa paagi nin mga sugo, ipinadara idto sa bilog na daga nin Israel kaiba an patanid na ini, “Pepedasohon man an baka kan siisay man na dai magsunod ki Saul asin ki Samuel sa pakigera!” Nagkatarakot an mga Israelita sa pwedeng gibohon nin Kagurangnan, kaya gabos sinda nag-iriba sa gera.

1 Samuel 15:3

Lakaw asin salakayon mo an mga Amalekita; raoton mo an gabos nindang pagsadiri. Dai ka magtada nin ano man; gadanon mo an gabos na kalalakihan, kababaehan, kaakian asin mga pasuso; an mga baka, karnero, kamelyo, saka asno.’”