Hukom 20:6 - Marahay na Bareta Biblia

⁶ Ipinuli ko an saiyang bangkay asin sakong pinedaso dangan ipinadara sa doseng tribu nin Israel. Nakagibo nin dakulang karigsokan sa bilog na Israel an mga Benjaminita.

Hukom 20:6 ပူးပေါင်းရင်းမြစ်များ

Genesis 34:7

Nag-abot an mga aking lalaki ni Jacob asin kan maaraman ninda an nangyari, nabigla sinda asin naanggot nin marahay huli ta sarong insulto sa mga Israelita an ginibong panlupig ni Shekem sa aki ni Jacob.

Levitico 18:24

Dai kamo maggibo kan arin man sa mga karigsokan na ini na makakapaati saindo, huli ta an paggibo nin siring iyo an nakapaati sa mga nasyon na hahaleon ko sa atubang nindo.

Levitico 18:30

Kaya nagtaram an Kagurangnan, “Kuyogon nindo an mga ipinagboot ko saindo asin dai kamo mag-arog sa mga tawong naenot sa saindo na nag-erok sa daga. Dai kamo magpaati huli sa paggibo kan mga bagay na iyan. Ako an Kagurangnan na saindong Dios.”

Josue 7:15

An siisay man na pilion ko asin makuahan kan mga bagay na ipinagboot kong suloon iyo an tututongon, kaiba an saiyang pamilya sagkod an gabos niyang pagsadiri, huli ta dinarahan niya nin dakulang kasosopgan an Israel asin linapas niya an sakong tipan.”

Hukom 19:22

Mantang nag-oogma sinda, biglang pinalibotan an harong kan gurang nin nagkapirang marigsok na kalalakihan kan banwa, dangan tinubtob an pinto. Sinabihan ninda an gurang, “Paluwasa an lalaking kaiba mo pagpuli sa saimong harong tanganing madorogan mi siya!”

Hukom 19:23

Alagad nagluwas sa harong an gurang asin nakiolay sainda, “Dai nindo paggibohon iyan. An lalaking ini sakong bisita. Dai kamo maggibo kan siring na karatan.

Hukom 19:29

Pag-abot niya duman, kinua niya an sarong kutsilyo. Dangan kinua niya an bangkay kan saiyang kasaroan asin pinutol sa doseng pedaso. Pakatapos, ipinadara niya an lambang pedaso sa doseng tribu kan Israel.

Hukom 20:10

An ikasampolong parte kan Israel iyo an mamamahala kan pagpakakan kan hukbo, asin an iba iyo an maduman sa Gibea tanganing padusahan sa ginibong karigsokan sa Israel.”