Hukom 20:26 - Marahay na Bareta Biblia

²⁶ Dangan nagduman sa Betel an gabos na Israelita asin nagmondo. Nagturukaw sinda sa atubang nin Kagurangnan asin dai nagkakan sagkod sa banggi. Nagdolot sinda nin mga tinutong na atang asin mga dolot para sa katoninongan sa atubang nin Kagurangnan.

Hukom 20:26 ပူးပေါင်းရင်းမြစ်များ

Genesis 28:19

An lugar nginaranan niyang Betel, alagad kaidto Luz an apod sa banwang idto.

2 Samuel 3:35

Bilog na aldaw na hiningowa kan mga tawo na magkakan si David, alagad nagsumpa siya, “Gadanon logod ako nin Dios kun magkakan ako nin anoman bago magsolnop an aldaw!”

2 Mga Cronica 20:3

Natakot si Jehosafat asin namibi sa Kagurangnan. Nagboot siya nin pag-ayuno sa bilog na Juda.

Esdras 8:21

Duman sa tampi kan Salog nin Ahava ipinagboot ko an pag-ayuno asin an pagpakumbaba sa atubang nin samuyang Dios, tanganing hagadon saiya na pangenotan kami sa samong pagbaklay asin iligtas kami, an samong mga aki asin an gabos nyamong pagsadiri.

Jeremias 36:9

Kan ikasiyam na bulan kan ikalimang taon kan paghahade ni Jehoiakim sa Juda, nag-ayuno an mga tawo tanganing mawilihan sinda nin Kagurangnan. Nag-ayuno an gabos na nag-eerok sa Jerusalem asin an gabos na nag-arabot hale sa mga banwa nin Juda.

Joel 1:14

Magpaluwas kamo nin mga pagboot para sa pag-ayuno; patiripona an gabos na tawo! Tipona an mga lider asin an mga taga Juda sa laog kan Templo nin Kagurangnan na saindong Dios dangan mag-agrangay kamo saiya!

Josue 24:1

Tinipon ni Josue sa Shekem an gabos na tribu kan Israel. Inapod niya an kamagurangan, an mga lider, an mga hukom, sagkod an mga opisyal kan Israel, dangan nag-atubang sinda sa Dios.

Josue 7:6

Sa dakulang kamondoan ginisi ni Josue asin kan mga lider nin Israel an saindang mga gubing. Nagdapa sinda sa daga sa atubangan kan Kaban nin Tipan nin Kagurangnan sagkod sa banggi asin binugtakan ninda nin abo an saindang payo.

Hukom 20:18

Nagduman an mga Israelita sa lugar na pinagsasambahan sa Betel asin naghapot sinda sa Dios, “Arin sa mga tribu an enot na masalakay sa mga Benjaminita?” Nagsimbag an Kagurangnan, “An tribu ni Juda.”

Hukom 20:25

Dangan nagluwas hale sa Gibea an mga Benjaminita asin nakilaban sainda sa ikaduwang beses; nakagadan sinda nin dyes y otso mil na Israelitang mga tood sa pakilaban.

Hukom 21:2

Kaya nagduman sinda sa Betel asin nagturukaw sa atubang nin Dios sagkod banggi. Naghaya sinda sa pagmondo.

Hukom 21:4

Pagkaaga, amay na nagbangon an mga Israelita dangan naggibo nin sarong altar duman. Nagdolot sinda nin mga tinutong na atang asin mga dolot para sa katoninongan.

1 Samuel 11:4

Kan an mga sinugo makaabot sa Gibea, sa pinag-eerokan ni Saul, inosip ninda sa mga tawo an bagay na ini, kaya naghiribi an mga tawo.

1 Samuel 7:6

Kaya nagtiripon sinda sa Mizpa. Nagharok sinda nin tubig dangan inula ninda bilang sarong dolot sa Kagurangnan; nag-ayuno sinda kan aldaw na idto. Olay ninda, “Nagkasala kami sa Kagurangnan.” (Hinukoman ni Samuel an mga Israelita duman sa Mizpa.)